Pengari – Lawyer Richard Christopher Barnes ngibun bepuluh ribu miliun dalam akaun bank ba Hong Kong nyadi pengari Musa Aman sebedau duit nya dipindahka ngagai akaun UBS Zurich ti ngena nama Kepala Menteri tu.
Akaun bemiliun ringgit tu dibuka ngena nama Richard Christopher Barnes ba Swiss Bank UBS, Hong Kong ti ditanggam ngena semaya madahka duit nya dipegai ngarika Musa Aman, tu nitihka buti ti diulih ari pemesai ba Hong Kong.
Surat kena 25 May 2007 ti disimpan Komiti Penagang Makai Suap Hong Kong (ICAC), madahka akaun nya dikena nyimpan duit ngarika Aman.
Bala penasat teulihka pemutus nya kena 31 May 2008 lalu akaun nya ngembuan USD 29.6 milliun!
Penama ngagai akaun Musa, Zurich!
Penama duit ngagai UBS ba Zurich ti diulih bala penasat ICAC ngayanka duit ti dipasuk ke dalam akaun Musa Aman nya datai ari penguntung ba dagang kayu batang.
Penerang pasal akaun UBS A/C231117 enggi lawyer Barnes ti bekaul enggau Musa Aman, ditemu nengah pansik ti dipejalaika ICAC lebuh ti bejalaika tanggung pengawa beratika tunga penama enggau pemansut duit ari akaun bank Hong Kong ti diatur kaling Musa Aman iya nya Michael Chia.
Chia ditangkap lebuh ti nguji deka mai duit SG$16million belalai ngagai Malaysia ari Hong Kong, iya lalu ditasat laban dipelaba mai duit enda beradat.
Komiti Penagang Makai Suap Malasyia (MACC) mega lalu berengkah bejalaika tasat. Taja pia kami bisi ninga berita ti madahka pengawa MACC tu lalu ditagang Kepala Lawyer Bansa Abdul Gani.
MACC bisi ngembuan salin surat penerang penama duit ngagai akaun Chia ari kompeni kayu batang ba Sabah lalu dipasukka ngagai akaun ti dipegai pengari Kepala Menteri, Musa Aman lalu nyengkaum siti agi nama iya nya Richard Christopher Barnes.
Sarawak Report mega bisi ngembuan salin surat penerang nya.
Enti nyema bisi orang enda pechayaka penerang tu, tau meresa ba UBS enggau HSBC kena netapka akaun tu sereta enggau surat kena 23.5.07 ti madah akaun tu dipegai Christopher Barnes ngarika Aman.
Pia mega orang ti enda tentu pechayaka pekara tu tau nanya ICAC.
Penudi endar duit masuk ngagai akaun USB Zurich Musa – ICAC tetemuka duit masuk ngagai akaun Chia lalu dipindah ngagai akaun Barnes ti ngarika Musa apin duit nya dipasuk baru ngagai akaun USB Zurich ti diempu Musa.
Mampul mata? – UBS Hong Kong nyadika pengetu pejalai duit ti dipasuk kompeni kayu batang sebedau dipindah ngagai BVI udah nya ngagai akaun UBS ba Zurich ti diempu Musa
Penerang tu terang amat ngayanka duit masuk ngagai akaun ti dipegai Michael Chia enggau pengari iya ba Hong Kong lalu tu mega dipasukka ngagai kompeni ba British baka (CTF International, Zenique Investment, Blisstop Corp) udah nya ditikalka baru ngagai akaun UBS Hong Kong ti dipegai Richard Christopher Barnes, A/C 231117.
Penerang nya terang amat mandangka semua duit ba akaun nya dipindah ngagai akaun ba Zurich ti dipegai Musa Aman, UBS A/C 230-75069201.
Bala penasat mega tetemuka USD29.6 miliun ba akaun 231117, USD37miliun ba akaun 280777 enggau SGD9.5miliun ba akaun 28066 ti dipegai Barnes kena 31 May 2008
Akaun 231117 ba Hong Kong dibuka kenyau ari 2006 lalu akaun tu bisi nerima US$22.4miliun ti dipasuk ari akaun dipegai Barnes kena antara April 28 enggau May 31.
Pemendar ti ngasuh duit nya dipindah ngagai akaun Musa Aman ba Zurich ba taun 1999, lebuh maya nya akaun tu ngembuan US$8.9milliun. Taja pia, kami tedingaka pemendar tu dibatak lalu pejalai duit mega diketu berebak enggau tasat ti dipejaika ICAC.
Enda mukai-mukai, tiga taun ti udah bala penasat lalu ngetu bejalaika tanggung pengawa sida. Lalu diatu dipelabaka pemegai akaun tu udah dikemendarka ngeluar duit sida nya.
Orang ti bisi kaul enggau pengawa nasat tu tentu nyalahka Malaysia laban ti enggai nyain sempekat kerejasama tu ngujungka kes ditutup lalu dataika sida tu ulih ngambi duit nya baru. Pemuntan tasat tu endang bekaul enggau Kepala Lawyer Bansa, Abdul Gani Patail, ti mega kaban belayan Musa Aman.
Denis Chua
Kami mega tetemuka siku pemesai ba bank UBS ti megai tanggung pengawa ngatur pejalai akaun nya, iya nya Menijer Denis Chua. Chua dulu ari nya gawa ba pampang HSBC Singapor sebedau pindah ke Hong Kong, lalu ngatur akaun Chua datai ke ngagai 2006.
Taja pia, udah Chua pindah ngagai UBS, HSBC beretika akaun Chia lalu minta akaun nya ditutup udah ti tepedaka pemayuh duit masuk ngagai akaun nya enda temu kebuah.
Kami enda nemu sekalika HSBC bisi madahka ngagai orang ti bekuasa lebuh ti nutup akaun nya. Taja pia sida udah nya ngemendarka akaun nya diidupka baru. Lalu penyampau lebuh nya manggai ngagai SG$13.4miliun enggau US$7.19 miliun.
HSBC ngeluarka resit ti ngayanka peminta Chia ba tukang wang ti dikena ngeluarka duit lalu dipasutka ba akaun baru iya ba USB nengah Chia.
Tiru? – SG$5.2miliun dalam mata duit ti diberi ngagai Chia – Diterima UBS lalu disain Denis Chua. Tu siti ari penyuah peminta ari Chua dikena iya mansutka duit ari akaun iya ba HSBC.
Kami bisi nyimpan salin resit peminta ngagai tukang wang tu sereta tuju duit nya ti negapka penerang ti ngayanka Chua udah nya ngenataika peminta bank ngagai Chua ngambika ngemendar Chia muka akaun baru A/C 231026 baSwiss bank UBS kena Jun 2006, bank ti endur pangan iya nya baru bekereja.
Pengeri Musa – Michael Chia
Chua mega muka mayuh akaun bukai dikena Chia, siku orang ti meri duit ngagai Barnes nengah mayuh bengkah kompeni BVI, ti dibuka Chua. Kompeni BVI tu udah nya muka akaun UBS ba HongKong /Singapor dikena nerima duit.
Chia ngarapka chara iya ti nabur duit ba mayuh bengkah akaun ulih dikena ngelalai diri.
Taja baka nya, orang ti bekuasa ulih meda ulah tu. Kes Musa ba MACC iya nya ba ripot 113/2009.
Duit datai ari untung ba kayu batang
Nitihka penerang ti bisi, Sarawak Report netapka duit ti masuk ba akaun Chia semua datai ari kompeni lisin kayu batang ti diatur ngena chara makai suap. Chia endang dipeda nyadika pengari Aman ngumpul penguntung ari kompeni kayu batang nya.
Nitihka berita ari orang dalam, mayuh agi duit ti masuk ngagai akaun Chia iya nya ari kompeni kayu batang ti bekaul enggau towkey kayu batang Andrew Lim ari Priceworth Industries enggau towkey bukai iya nya Freddy Lim ari Kretam Holding ti bisi kuasa ba kompeni Hong Kong, Wayco Enterprises Ltd, ti megai tanggung pengawa nyadi orang tengah ba dagang kayu batang antara Malaysia enggaiu China.
Lim ngembuan mayuh lisin kayu batang ti diberi Musa
Berebak enggau Lim nerima lisin kayu batang ti bebiliun ringgit ari Chairman Board of Trustees Yayasan Sabah,Musa Aman, kompeni menyadi iya Freddie iya nya kompeni Wayco enggau Hillywell nepu bemiliun ringgit ngagai akaun Chia ti dipasukka ba akuan Aman udah nya.
Siti ari surat penerang ti dikembuan kami, ngayanka kompeni Wayco enggau Hillywell bisi kaul enggau Lim Brothers.
Akuan nya tadi dikena Chia enggau bini iya Yap Loo Mein enggau bala kaban orang dagang ti bukai ngulihka bemiliun ringgit. Duit masuk ari kompeni baka Wayco ditemu dikeluarka Chia baru sebedau dipasukka ngagai akaun penyangkai.
Pemutus tasat ICAC ukai semina jerita ba pekara tu ti dibandingka ngagai buti bukai ti bisi dikembuan. Penyampau kebendar duit untung afri kayu batang endang manggai bebiliun.
Siku agi pemayar, iya nya ti udah kala disebut iya nya Borion Enterprise Ltd, ti diempu towkey Sarawak ,Ting Pek King. Iya tu mega masukka bemiliun ringgit ngagai akaun Chia, taja pia, nadai surat penerang.
Kompeni bukai ti bisi kaul iya nya baka Admond Looh ari Java Industries ti mega bisi nerima lisin kayu batang ari Musa Aman.
Bisi 10,000 hektar kampung tuai diberi ngagai Admond Looh ba Kampung Galau Pinangah, ku MACC.
Admond Looh beempu kompeni Ever Fame Enterprises Limited ti ngembuan penerang masuk duit ba akaun Chia.
Ti agi bisi sekeda orang enda tentu arapka berita tu sida tau nanya ngagai UBS enggau HSBC tauka ICAC minta ayanka surat penerang nya.
Musa aman dipeda baka ti mentas ke menua, tang kebendar iya ngerumpang kampung.Destroying the Heart of Borneo, which Musa Aman pretends to protect!
Lisin kayu batang ti beri ngagai Andrew Lim iya nya Kampung Galau Malua, kampung ti ditetapka dipegai WWF Heart of Borneo Treaty Area, taja pia Lim dikemendarka nebang kayu batang ba kampung tu.
Pansik kami ngayanka Musa Aman ti nyadi kepala ba Yayasan Sabah sereta Kepala Menteri enggau naka ulih ngabiska kampung ba menua nya nebang kayu batang tu nyangkaum kampung galau.
Siti ari kandang kampung tu iya nya Kampung Galau ba Kumat, taja pan udah ditetapka enda tau dirumpang, taja semua berubah kenyau ari 2007.
Kelia kampung nya digalau tang udah nya lisin kayu batang YT1/08 ngagai Michael Wong – Nama tuju Musa Aman?
Semua lisin kayu batang ti dberi ngagai Wong endang udah ditemu MACC.
Lisin kayu batang diberi ngagai Wong – (YT1/08)
Kami bisi penerang bekaul enggau mayuh bengkah lisin kayu batang ba kampung tuai ti diberi ngagai bala kroni iya. Kampung tu mega patut iya ngeluarka kayu batang ti mai penguntung ngagai Sabah enggau rayat menua nya.
Taja pia orang dalam madahka semina mimit aja kayu batang nya dibayar chukai lalu kebukai dijual belalai.
Penerang ti diulih kami, mandangka Musa Aman minta RM2,500 sehektar ari tiap lisin kayu batang ti dikeluarkan iya lalu dibayar nengah Chia. Penyampaun semua tu tau manggai ngagai bebiliun pulai ngagai Musa Aman.
Enda ibuh dipelalai
Musa Aman enggau kaling iya Taib Mahmud ba Sarawak sama mujur ngulihka penguntung manggai bebiliun ari menua diri empu lalu sama bepelasarka mentas kampung kena nguntung diri empu
Tuju Sabah sebaka enggau Sarawak,semua kompeni ti diberi lisin deka dipelalai.
Diatu Musa Aman udah nukar penemu lalu sereta deka bejalaika atur kebun bedandang besai ti dikumbai ‘mosaic planting’ dikena ngerumpang kampung ba Sabah lalu ngulihka kayu batang.
Bejimat, badu kena kelakar