![Screen Shot 2013-04-25 at 13.49.48](/wp-content/uploads/imgcache/2013/04/pImg_c37c02299624ecc67f90852fca94bd84.png)
‘Temuai’ ke filem dokumentari TV, Ben Fogle udah madahka diri nasal ati laban udah nerima upah ti mayuh ari Perintah Sarawak bekaul enggau pengawa iya ti nyadi pengari dagang temuai Sarawak.
Iya diatu udah madahka Taib Mahmud udah ngubah Kampung Borneo nyadi sebengkah kandang menua ti udah balat rusak, ti endur bala orang bansa asal napi pemar ngidupka diri lalu diumba ke raban jelu enggau utai tumbuh nyau majak punas sereta kusi.
Kami kala nuliska surat tebuka ngagai Ben Fogle ba pun bulan Mach tu tadi, lebuh iya baru berengkah ngeluarka filem pasal rampa kampung Sarawak. Siti ari filem nya diberi nama “rebak dudi nyaga pengelikun rampa kampung”.
Kami udah madah ngagai Fogle, seagi-agi menua Sarawak diperintah Taib Mahmud ti dikumbai tau ngarika rebak dudi nyaga pengelikun rampa kampung, kita nadai agi pengarap ke planet bumi kitai tu.
Ben nadai malas surat tebuka kami nya, tang iya bisi ngaku diri udah macha isi surat nya enggau silik.
Taja pan baka nya, bala orang ti rinduka pengawa Ben ari raban ‘mummy blogger’ udah belabuh meretika cherita-cherita ti bukai, lalu sida belabuh nanya diri empu nama kebuah Ben tak enda mukai-mukai majak deka ngatur pengerami promosyen ke filem-filem iya di negeri London?
![Screen Shot 2013-04-25 at 13.51.14](/wp-content/uploads/imgcache/2013/04/pImg_1ffd8fb943ab04c0fba387cd196b9f6d.png)
Sekeda ari bala blogger nya udah belabuh matak diri enggai ngulu pengerami promosyen nya ti lalu ngujungka pengerami nya lalu enda dipenyadi sehari sebedau nya.
Udah bekau nya, suratberita Independent udah nuliska siti artikel pasal kaul Ben enggau Sarawak, ti udah nya lalu ngansak Ben enda tau enda meri timbal iya pasal pemutus runding iya ti mantu ngangkatka pemanah Sarawak nyadika serega ekologi ke bala temuai.
![Screen Shot 2013-04-25 at 13.53.33](/wp-content/uploads/imgcache/2013/04/pImg_6c0a97acad1cc64402ae38f9c85efa14.png)
Ben Fogle udah ngaku diri engka udah saru penemu lebuh iya nerima upah enggau pengawa ngaga filem nya, lalu video Glabal Witness ti dikeluarka beberapa hari nangkanka enggi iya nya udah nyadika dalih iya ti matak diri.
Iya udah madah ke diri nasal sereta iya nemu ba keterubah iya meda mayuh bendar penanggul ba pengawa ngemataka kampung di menua Sarawak!
Diatu iya udah madahka diri besedia meri upah iya nya ngagai tabung Global Witness nyadika tanda iya udah nesal ngaga filem ti bula nya.
Laban iya lalu bedau berandau enggau Sarawak Report pasal sebarang gerempung pengasih ti patut dibantu iya ti bisi dalam langgur penemu kami.
Ba penemu kami iya patut mantu raban NGO rampa menua, Save Rivers di Sarawak (ti udu mantah projek ngaga tekat Baram) patut dulu ari gerempung NGO rampa menua ti kaya, WWF, ti enda kala nyakal Taib berusakka kampung ba tapak projek Heart Of Borneo sida nya [kami minta tuduh penemu ari bala pemacha kami nengah ruang komen ditu].
Melakangka ‘politik’
Lalu diatu Fogle udah ngubah rentak iya. Terubah iya suba iya udah ngelakuka sebengkah batang penemu ti endur iya enda bekaul enggau sebarang pekara politik lebuh iya ngaga pemutus runding deka nemuai ngagai sebengkah-sebengkah menua.
Enti Fogle endang udah kala ngaga pansik ke diri empu tauka ngambi berat ba artikel kami iya disadang ngelala nadai bida entara Opis Dagang Temuai enggau Taib Mahmud, laban Taib endang bekuasa atas semua pekara di sekayu menua Sarawak dikena iya ngulihka duit ke iya empu.
Kami belabaka tu mih siti ketegal nama kebuah tukang gambar ti dipaduka mantu Fogle lebuh iya ngaga filem di Sarawak, iya nya siku anak indu MP ke sitak Baram Jacob Sagan (ti diatu enda agi dipilih ngetanka penuduk MP iya) ti udah ngulihka bejuta-juta ringgit ngena lisin-lisin kayu belian ke iya empu.
Diatu Fogle udah mansutka penerang ti madahka iya udah mansik semua prinsip iya ti deka bepenemu tengah hari lebuh nemuai ngagai sebarang menua. Iya udah madahka suratberita Telegraph ba ujung minggu tu tadi iya deka “ngenuluka filem dagang temuai ti bisi tanggunpengawa manah” lalu deka nanya sekali ke penemuai ti dipelanja nya ‘ngembuan etika” ba endur “dagang temuan ti meruan” dipejalaika.
Kami udah meri tabi pengaga ati ngagai Ben, lalu nadai siku deka nyima ati lebuh leka jaku terima kasih disebut.
![Screen Shot 2013-04-25 at 13.55.14](/wp-content/uploads/imgcache/2013/04/pImg_48fd3f969e377a4102f47b6fd755c140.png)