Bala orang ti kelalu balat kiruhka pasal ritual-ritual pengarap enggau sesebengkah lekajaku nya balat agi deka ngalihka perati orang mayuh ari pekara-pekara sekali ke sida nya orang ti endang amat-amat taluk ngagai ajar pengarap nya empu.
Sida arapka ari ti inggar pasal pekara ti mit-mit baka nya sida ulih meri pengandal ke orang bukai nya sida nya imun, tang ke bendar iya sida tu enchuri lalu nusui pemula pasal mayuh pekara ti ditagang bala nabi, ti mayuh agi sida nya enda kiruhka baka ni enggau mega sebarang ritual.
Semua pengarap nya endang dikena ngemanahka pendiau enggau ulah kitai. Orang ti ngereja pengasar enggau enda betamadun atas nama pengarap, baka nyerang orang bukai tauka nguji bebula kuasa undang-undang dalam bepengarap nya sebengkah pendiau enggau ulah ti kelalu lunggar lalu lebih agi ngagai orang ti bepenemu kasar.
Betegalka tu ti endur seraban orang kasar pendiau ti enda mayuh tubuh nya, ti nyadi semakin latah nya ba juluk ati sida dikena sida bebulaka raban orang Kristian di Malaysia Timur ba kuasa sida ngangauka Tuhan sida baka ti lama udah diamalka sida nya patut ngetuka pengawa nya lalu ngambikira pemeri-pemeri sida.
Anifah Aman, enggau sida sebilik udah diterima nyadikan raban orang Muslim ti enda mayuh tubuh dalam raban bansa Kristian di sebengkah kandang menua di Sabah nya patut berunding enggau lenak, nama utai ti disebut dalam pengarap iya bekaul enggau penguntung ti mayuh bendar ulih iya ari salahguna kuasa politik iya, kelimpah ari ti ngutuk Biskop Nuncio, ti minta ngambika alkitab kudus Injil enda dirampas lalu ditunu laban ngundan lekajaku ti endur sekeda orang Muslim ti betubuh mimit deka nyimpan ke sida empu.
Engka sida patut ngelanggur awakka jaku Melayu nya digugurka nyadi jaku ofisyel menua nya lalu ngemendarka raban orang bansa asal belajarka Injil ngena lekajaku English tauka jaku sida empu?
Pengawa ngemba orang bukai ngambika ngelekaka lekajaku ti endang udah segala dalam pengidup sida, tauka nekan sebarang orang ngambika masuk pengarap sida ketegal ngulihka pengawa tauka ketegal ti jadi melaki-bini, lalu nyerumba nya nagang orang Muslim masuk pengarap bukai, nya endang sebengkah dalih dikena dalam budaya imperialism enggau mega rasisme.
Kuasa-kuasa bepengarap ba raban orang Kristian di Malaysia Timur enggau orang ti megai pengarap bukai nya endang bisi dalam Konstitusyen kenyau ari maya menua bulih merdeka lalu sebarang pengawa kasar ti datai ari luar nya sebengkah penguji dikena ngeruga sempekat lalu tau bendar ngamahka Konstitusyen.
Baka ni enti sema raban orang Muslim dikeruga baka nya di menua UK tauka di Australia, ti endur pengandal ti udu dalam bepengarap nya ditagang undang-undang?
Baka ti endang diterima mayuh orang Islam di Malaysia, penemu ti ulih nerima penemu orang bukai nya nyadika arus dua tuju lalu pengawa betunuka alkitab Injil enggau nukar pengarap orang enggau pejal nya endang pengawa ti enda meruan, ti dikena nguji ngalihka perati mensia mayuh ari tuju asal enggau semua jalai pengarap, ti endang meransang semua orang idup manah enggau pangan diri.
Badu kiruh agi ke sesebengkah lekajaku sebedau nuan ulih nunjukka diri nuan nya endang orang ti lurus pendiau
Sapa ti deka rauh-rauh madahka orang bukai nya enda patut nyembah baka ti endang lama udah diamalka sida nya patut ulih nunjukka amal sida nya chukup meruan lalu nadai pengamah enggau penimpang.
Baka nya mega, raban tuai dalam BN patut enda sanggu ati ngangauka orang ti pandai dalam pengarap sebedau bisi orang bukai dikelaungka ari ti kena pansik laban bisi ngereja penyalah ngelesapka duit menua lalu ngulihka pengeraja ari penyalah makai suap nebang kampung, enggau penyalah ti bukai.
Licha-licha ti munyi nya nadai mai pemanah ngagai BN kelimpah ari ti ngemendarka elemen-elemen pengasar nyadi dalam raban bansa, ti rindu agi deka ngereja pengasar ba endur diri empu kelimpah ari ti nguji ngemetulka penyalah diri empu.
Biskop nya udah mansutka penerang ti ngayanka pengirau ati iya enti jaku peminta iya nya salah peretika orang bukai.
Endang bisi sekeda orang ti kelalu andal maya ngena sesebengkah lekajaku lalu rindu bendar deka mansik penatai leka-lekajaku nya. Lekajaku udah beguna bendar dalam main nyaga kuasa nengkebang.
Tang, nadai reti ke orang Muslim ngarahka lekajaku allah nya jenama eksklusif sida, laban nya lekajaku bansa Arab dikena ngangauka tuhan lalu udah bisi dulu ari pengarap sida.
Bala orang Kristian di menua Arabia endang nadai lekajaku bukai dikena sida ngangauka tuhan tang Allah lalu pengarap Kristian nya dulu agi beduduk ari pengarap orang Muslim.
Seninjik bendar sida nadai nagang orang Muslim ngena lekajaku nya lalu mega nadai sebarang jaku sara pasal lekajaku nya dikena orang bukai ngangauka tuhan sida.
Utai ti lebih nyata nya, orang Islam enggau Kristian enggau mega orang ti megai pengarap Judaisme endang sama bekunsi tinjau ti sebaka pasal tuhan, ti endur sida arapka iya nya semina siku. Sebedau datai pengarap Ibrahimiah tu, orang kelia arapka mayuh macham tuhan, tang ketiga-tiga bengkah pengarap ti bisi kaul entara sida nya sama arapka tuhan nya semina siku aja, lalu enggau nya sida meri ke tuhan nya siti urupbesai lalu enggau chara kustomari sida ngubah lekajaku nya nyadi siti nama.
Lekajaku nya nyadika faktor penyerakup. Tang agi mayuh faktor bukai ti tau berakupka mensia baka ajar moral, pengarap ti sebaka bekaul enggau pengawa jadi melaki-bini. Orang ti rindu betalatka sesebengkah lekajaku enggau sesebengkah ritual patut ingatka ajar pengarap sida nya udu agi ngemeratka amal ti manah-manah enggau prinsip-prinsip, lalu ukai udu ngemesaika sesebengkah lekajaku.