![Pengaya menua ti dianjung ngagai Malaya nyadika sebagi ari jurai Taib dikena iya ngenggam semua pengeraja dalam tanah ti bukai di Sarawak](/wp-content/uploads/imgcache/2014/05/pImg_cb1c5e5d6b94d8b573e5d35a9c0c3bb0.jpg)
Tu nyadika kelai tumu Taib Mahmud majak lenyau genggam iya ba menua!
Enda ngalitka ati lebuh iya bejadi Aum Dewan Undangan Negeri iya ba minggu tu tadi enggau nyebut pasal pematut perintah “nambahka atur pengelikun” dikena napi “sebarang pekara ti enda disadang tau nyadi”.
Tang peminta nambahka peratus asil minyak ti dituduhka parti iya empu udah nulak polisi minyak bansa ti bechiping ti bekaul enggau bayar royalti minyak Sarawak.
Sida tu patut minta mayuh agi penguntung ari minyak nya diagihka ngagai menua Sarawak ti lama bendar udah enda dikibuhka.
Perengka-perengka ti diguna mensia mayuh baka sepital, sekula enggau jalai alun ti suah disemayaka lalu enda kala dikamatka.
Tang peminta nambahka royalti minyak ngagai 20% nya nyadika pemun iya.
Tambah mega, malu bendar ke sebarang orang kaban politik BN, ti seruran besedia napi bepilihbesai ti deka datai lalu berasai enda tau enda nemuai ngabas rumah panjai enggau tumpuk pendiau orang nyadung jaku semaya ti puang pasal ‘pemansang’. Lebuh tiap iku pengundi nemu duit suap RM10 nya sepenyampau ti deka diterima sida ari BN.
![Taib Mahmud ngena gari rasmi ‘gaya demokrasi’ ngulu pengerami bejadi aum Dewan Undangan ti semina deka endur ngatur aum ba pengelama 16 hari dalam setaun, nyengkaum 4 hari endur bejadi enggau nutup aum!](/wp-content/uploads/imgcache/2014/05/pImg_039e5b56d4da5e149e618217783fbb5f.jpeg)
Taib Mahmud nya siku ari bala orang ti setuju minta royalti ari asil minyak Sarawak ditikika laban ke diatu royalti 5% nya kelalu mimit baka ti udah ditetapka ba taun 70-an suba lebuh iya nyadi Menteri Pengeraja Asal Tanah di KL.
Ba ke terubah iya udah setuju nyerahka 100% asil minyak Sarawak nya, laban iya empu endang udah inginka asil tanah ti bukai ari kayu batang menua iya nyadika pun penatai pemisi ke iya empu.
Tang aya iya empu, iya nya siku kepala menteri ti dulu ari iya, udah ringat bendar ke pengawa iya ti nyerahka asil minyak nya lalu nya udah ngujungka Taib ngatur jurai ba pekara nya baru dikena iya minta Sarawak diberika 5% ari asil minyak menua iya empu nya.
Pekara nya udah bisi ditusui dalam sebuah bup ti baru dikeluarka asil tulis Dr Lukas Straumann, siku Pengarah NGO Switzerland BMF, semua nya nusui pasal pengawa Taib Mahmud ti udah nyual rayat iya empu lalu salin bup dalam jaku English deka dikeluarka enda lama agi.
Tu udah nyadika atur pengawa perintah koloni ti bechiping ti endur nasit menua Sarawak udah digadai, terima kasih ke tuduh penemu Gabenor ti diatu.
Jurai ba royalti nya besenutuk bendar enggau Taib Mahmud empu, laban pengawa iya ti udah ngadai pengidup rayat udah nyadika iya majak dikerinduka hiraki UMNO di KL, lalu sida nya gaga bendar ati ngangkatka iya nyadi Kepala Menteri nukar aya iya empu.
Nyadika upah iya ti udah nyerahka 95% asri asil minyak Sarawak ti udah dipesetujuka KL, bala menteri ba tikas perintah besai deka nejuka iya ngereja sepeneka ati iya ba kayu batang Sarawak, rampa menua, tanah enggau arang batu enggau pengeraja asal tanah ti bukai di menua nya.
Atur nya udah nyadika iya kelalu kaya lalu diatu ditambahka enggau pengawa ti tetemuka telaga minyak ba darat menua Sarawak, kitai enda tekenyit ati enggau kroni Taib Mahmud (Tiong Hiew King) nya nyadika siku orang ti mujur bulih lisin ngulihka minyak di darat nya ila, ti endang disadang deka nabanka duit asil minyak nya kelimpah ari ti disimpan dalam wang turu menua – kitai endang ulih belabaka pengawa nya deka dikereja iya.
Pekara ti ditemu semua pengari rayat Sarawak empu, lalu sida nya baka aya Taib, ti ringat ba pengelama beberap puluh taun ke udah, beserimbai enggau sida ti enda ulih bejaku sekumbang bos sida nya agi bekuasa suba.
Diatu sida ngasaika diri udah bulih peluang lalu enda tau enda besetuju enggau tuduh penemu PR ti madahka asil minyak ti diulihka ba tebing tasik menua Sarawak ditikika ngagai 20%
Nya udah nyadika dalih ti nyelai ba siku kepala menteri ti udah badu bekereja ti balat bekuasa lalu udah dipesetujuka orang ti nukar iya, Adenan Satem. Adenan udah enda ibuhka nya, nya kebuah Taib nyebut dalam jaku pemuka aum iya ti madahka perintah patut nambahka pengering pekara pengelikun di sempadan enggau ba endur ti tebuka!
Enggau nya, nama penyadi perintah BN, ti seruran bepanggai ba pemayuh kerusi di Sarawak dikena sida mengkang bekuasa baka sida ti udah mengkang bepanggai ba asil minyak Sarawak, dalam maya tabung enggau wang turu menua diatu ti benung teguran?
Najib tentu enggai bebatak asur enggau duit asil minyak ari tabung di KL. Nama kebuah asil minyak nya enda ditetapka 20% diberi ngagai KL, lalu 80% ditinggalka di Sarawak?
Raban parti penyakal udah madahka ngambika Sarawak terus ditipu enggau peminta ti penuh basa lalu Najib deka dikumbai beli enti iya enda ngerebut peluang nya.
Baka ti udah disadang, tuduh penemu tu deka disara nya deka semina dikeluluka, sebaka atur BN ti ngeluluka atur demokrasi di Sarawak ngelama tu.
Laban beduduk ba pengurang penampak perintah, nadai siku orang nemu penyampau ti bendar pemayuh duit asil ari minyak, tauka ditagaka dikena ngatur bajet menua.
Kelimpah ari ti disaraka dalam rumah Parlimen, baka ti endang patut dikereja, di menua Malaysia akaun kompeni Petronas enggau dijaga lalu dipelalaika lalu akaun nya semina ditemu Menteri Besai/Menteri Pekara Belanja, Najib Razak aja!
Baka ni chara kitai deka minta 20% bagi ari penyampau semua asil duit ti enda ditemu kitai?
Enti nadai pelasar atur kira-kira enggau mega nadai pelasar pengarap, semua jaku sara penemu nya semina ba konsep enggau prinsip aja.
Pekara ti bendar nya jauh bebida lalu enti duit nya bisi dipulaika ngagai wang turu menua Sarawak, duit nya enda dipelanjaka ba rayat, baka ti patut dipejalaika, enti ba atur perintah ti diatu.
Duit asil ari minyak Sarawak nya deka dichuri raban orang politik ti korup sebaka enggau atur sida enggau pengeraja asal tanah ti bukai, kenyau ari 50 taun ti udah.