![Nepan bilun jet enggi sida sebilik – Tufail deka ditanya dalam pechara ba sebengkah kes kot ngelaban bakih dagang iya ke dulu suba berebutka Sanyan, ti udah ngumbai diri kena buru ari kompeni Sanyan nya](/wp-content/uploads/imgcache/2015/01/pImg_12f8cc6f52601315aef2f90d7a68b93c.jpg)
Menyadi Gabenor Sarawak Taib Mahmud, Tufail Mahmud, deka datai bechara dalam Kot Tinggi di menua Singapura ngambika bisi kena tanya pansik ba sebengkah kes ngelabang bakih dagang iya ke dulu suba.
Tang sekeda ari surat penerang ti dikenataika ngagai Kot 5 nya ngundan beberapa bengkah aku ti ngenyitka ati datai ari Tufail empu, ti endur iya ngaku baka ni iya udah mujur nyeliahka diri kena chukai ba untung nyual kayu batang pansut ari menua Sarawak.
Dalam kes ti balat bendar tusut nya, ti udah dibuka ba pun bulan tu tadi, udah dikenataika sebuah kompeni Singapura, Tanaka, ti endur Tufail empu nyadika pengarah sida, ngelaban iya empu enggau sida agi bakih dagang iya dalam kompeni Sanyan Sdn Bhd, Dato Ting Check Sii.
Ketiga-tiga iku pemegai majoriti syer dalam Tanaka nya sama-sama minta duit dibayar pulai, ti dikumbai sida udah dijali ngagai pengawa dagang kunsi di Sarawak enggau pengarap duit ti dijali nya deka dibayar pulai.
Tang, pengarah minoriti sida, Tufail Mahmud, ti diatu bekuasa penuh dalam kompeni Sanyan enggau bakih dagang iya ke dulu suba, Ting, ti udah diburu iya pansut ari kompeni nya, enggai nitihka undang-undang bedagang.
Dalam surat penerang iya ke terubah ba kot nya, Tufail udah nerangka baka ni dalam pengelama beberapa taun iya ngatur pengawa nyual kayu batang ari menua Sarawak ngena “rega ti mimit bendar” ngagai opis chukai Malaysia.
Reti nya rayat Sarawak udah dirampas orang kuasa ari meda penguntung ti diambi ari tanah menua ti diwan sida – ngena lisin kayu batang ti diberi menyadi iya empu, Taib Mahmud, ti udah nyadi Kepala Menteri maya nya suba.
![Asil nyual kayu batang ti mayuh bendar – rumah besai enggi Tufail, terima kasih ke lisi kayu batang ti diterima iya ari menyadi iya empu, Kepala menteri Sarawak](/wp-content/uploads/imgcache/2015/01/pImg_bbc8520ce99e586aaddc811af28b3b9f.jpg)
Penyalah Tufail ti udah ngelarika diri ari kena chukai, nitihka penerang ari iya empu dalam kot di Singapura, nya ngambika dijual ari kompeni Sanyan Sdn Bhd enggau Sanyan Sawmill Sdn Bhd ngagai sebengkah ‘agen’ sida di Singapura, ti meri invois orang meli ti penudi sida di menua China enggau Jepun ba rega ti tinggi agi.
Kompeni ‘orang tengah’ nya, ti digela sida nama Tanaka, nya endang kompeni enggi Tufail empu enggau bakih dagang iya!
Ngena chara tu (ti disebut enggau jaku manis ‘pemindah rega’) Tufail enggau bakih dagang iya udah nipu rayat Sarawak ba ungkus bepuluh ribu ringgit ngena pengawa balalaika untung ti bendar ulih sida.
Chara tu endang udah tebalan enggau kompeni kayu batang ti besai-besai ti suah ngumbai diri nadai untung tauka ditinggang pengerugi tiap taun, taja pan menua Sarawak mengkang nyadi sebengkah menua pemadu mayuh kayu batang dijual di dunya.
Nitihka jaku Tufail empu, dagang belalai nya udah nya lalu dikena iya beranakka puku ba dagang kunsi di Sarawak, baka pengawa ngaga rumah Wisma Sanyan di nengeri Sibu, ti endur sida sekali agi ngena tikas spesyel sida, terima kasih ke kuasa ari menyadi Tufail empu,iya nya Abdul Taib Mahmud.
Jaku ti munyi tentu deka ngasuh orang ringat di Sarawak, ti lama bendar udah meratika baka ni tikas spesyel ti diberika sida sebilik enda ngetu-ngetu ari Taib Mahmud ti menyadi sida.
![Petunggal Taib empu nerangka baka ni sida sebilik udah nipu menua diri baka ti udah direkodka chara belalai dalam video tu](/wp-content/uploads/imgcache/2015/01/pImg_c37b6dd14c4aa30730485aee637d559a.png)
Pengawa mindahka untung dagang tu pansut ari menua Sarawak, dikena nyeliahka kena chukai menua, nya udah nyadika stindit pengawa dagang sida Taib sebilik enggau mega bala petunggal Taib, ti bisi ditusui sida dalam jaku randau belalai ti direkod kediri-kediri dalam video Global Witness dalam taun 2012 suba.
Sida menyadi, lalu mega enggau lawyer sida, Alvin Chong, bisi dipeda dalam video nya balat ketawa sereta bejenaka lebuh sida ditanya bala pengarang berita kelului ti endur sida madahka nadai siku orang ti ‘bisi kaul terus’ di menua Sarawak mayar chukai tanah ti udah dirampas sida ari orang bansa asal, terima kasih ke kaul sida enggau Abdul Taib Mahmud.
Kebuah pia laban sida udah nerima sebagi ti mimit aja ari rega tanah nya di menua Sarawak – lalu laluh rega ti mayuh bendar nya dibayar ti menua tasik, baka di Singapura.
![Lawyer sida Taib sebilik, Alvin Chong, nerangka pasal Skandal Singapura (pemindah rega), seraya ke ngeleseka bansa Dayak ti ‘buta sereta tuli’ ngelama tu ti udah enda nemu diri kena rumpak tuai menua sida empu](/wp-content/uploads/imgcache/2015/01/pImg_2a2c8f429a49123f2f034e5788fa0847.png)
Tufail udah nusui dalam kot di Singapura nama utai ti udah dikereja iya.
Kes kot di Singapura nya siti kes dikena ngelaban Tufail ti dikenataika bala bakih dagang kunsi iya empu ngayanka baka ni menyadi Taib nya udah mudi bakih diri empu.
Tufail mega udah ngelalaika lisin kayu batang ti udah diterima iya ari Taib, nitihka surat penerang kot ti enda sama diayanka. Sanyan Lumber Sdn Bhd nya nama lisin, ti nyadika penatai duit masuk nengah Tanaka Lumber di Singapura.
![Nyual ngagai kompeni iya empu ba rega ti kelalu murah dikena iya nagang penerang tebantai ke chukai di Sarawak](/wp-content/uploads/imgcache/2014/11/pImg_054c3f3051266c7ba452746e4ab7c50c.png)
![Morshidi Bin Omar semina nyadika pengari dikena iya ngelalaika lisin kayu batang Tufail – tang Tufail nya endang nyadika orang ti sain ba semua akaun bank kompeni nya!](/wp-content/uploads/imgcache/2014/11/pImg_7c87f3cb24751374dae0d2ad2b4a9e03.png)
Nama Tufail Mahmud enda dipasukka dalam rintai nama raban Pengarah tauka Pemegai Syer dalam kompeni nya, tang bakih dagang iya Dato Ting Check Sii, udah madahka Tufail nya endang bisi megai 50% syer dia.
Reti nya, Morshidi Bin Omar nya nyadika pengari ke Tufail.
Nitihka penerang Ting dalam kot, batang pengawa Tufail dalam dagang sida nya semina nentuka lisin ngulihka kayu batang diulihka enggau chara mudah ari menyadi iya, Taib. Tufail nadai ngereja sebarang pengawa dalam kompeni nya, tambah mega iya nadai beranakka sesen pan ari puku iya empu dalam kompeni nya.
![Penerang ari Ting Check Sii, madahka Tufail semina bekereja ngulihka lisin kayu batang enggau mudah ari Taib ke guna kompeni SWI (Sanyan Wood Industries)](/wp-content/uploads/imgcache/2014/11/pImg_282643d8bdae84df4668721b8ade1b58.png)
Tufail empu ngaku enggau chara betulis ba mua kot bekaul enggau kes ti benung diatur nya madahka iya nadai ngereja sebarang utai sekumbang pengawa dagang sida nya dipejalaika.
![Penerang ari Tufail empu – Ting ngereja semua pengawa lalu beranakka semua duit puku iya, taja pan Tufail semina besainka chek sereta megai syer ti besai – batang pengawa iya ngulihka lisin ari menyadi iya empu, Taib!](/wp-content/uploads/imgcache/2014/11/pImg_5039d5099add6fe4ccdc17d5db52dbac.png)
Berapa pemesai ukum ti deka dibayar udah bekau iya ditanka lalu udah nya dipechara?
![Abis kena perah – bakih dagang Tufail ke dulu suba, Ting Check Sii, diatu benung ngiga jalai ngambi duit dagang bagi enggi iya ari Tufail](/wp-content/uploads/imgcache/2015/01/pImg_61012ce3a5702eca810d684c0c9d2a16.jpg)
Tufail udah ngaku, madahka ba ujung taun-taun 1990, opis Menteri Wang Malaysia bisi nemu pengawa salah ti dikereja iya, lalu nawa kompeni iya, Sanyan.
Kompeni Sanyan diukum laban ngembuan ulah ti jai, ku cherita Tufail.
Tang Tufail nadai nusui penyampau ukum ti dibayar iya, lalu nejuka bala pemerati iya ngaga pelaba ke pengulih iya nangkup ukum nya enggau mudah.
Tambah mega surat penerang dalam kot madahka Tanaka udah mindahka duit USD$10 juta chara belalai ari perintah menua Sarawak ngena invois pelesu lalu udah nya beranakka puku duit nya ba pengawa dagang baka Wisma Sanyan enggau ti bukai.
Pengawa dagang kunsi tu benung dikuasa Tufail, tang ni pemayuh patut dibayar iya pulai?
Orang mayuh bisi kuasa nemu enti sema ukum nya udah dibayar nya baruh agi ari chukai. Ba atur selama kompeni Sanyan patut mayar ukum tinggi agi ari chukai ti udah suah diseliaka sida.
Bala orang ti udah balat kena keduan Tufail nya bala bakih dagang kunsi iya empu.
![Rumah Wisma Sanyan – rumah pemadu tinggi di Sarawak, didirika ngena duit ti dipelalaika ari opis Chukai lalu diatu rumah nya nyadika opis perintah di Sibu](/wp-content/uploads/imgcache/2015/01/pImg_82164e06c1f34e291ba753ca7e0efa62.jpg)
Dalam pechara di Singapura nya, Tufail napi tuduh nipu laban puntan nanggunpengawa mayar pulai duit puku ari Tanaka ba timpuh 18 taun (sebengkah timpuh ti udah padam diatu).
Ari sukut perening rayat Sarawak empu, pengeringat sida tesungkak ketegal kes tu tebantai, nunjukka baka ni siku tuai menua udah bejalaika atur perintah lalu bebalut enggau pengamah penyalah makai suap lalu semina nguntungka diri sebilik aja.
Tambah mega semua undang-undang dikena ngelaban Tufail di Sarawak udah mudah dipatahka dalam kot di Sarawak, engka laban kaul iya enggau Kepala Menteri, Taib, nya menyadi iya.
Tang kitai sama bela nganti pemutus kes di Singapura dikena ngelabuhka iya. Taja pan sida suah menang dalam pechara di Sarawak, tang sida tentu deka alah bechara ba menua bukai.