![1MDB ukai tanggungpengawa kami – Kepala KPMG Global, John Veihmeyer](/wp-content/uploads/imgcache/2015/03/pImg_d2ad54e1bcacff20d57ca490c2df7099.png)
Ba pengelama beberapa bulan jaku ti dipansutka Pengerusi ke Komiti Penyanding Penemu wang turu 1MDB (ti mega Menteri Besai Malaysia, Najib Razak) madahka atur pengawa wang turu nya udah ‘diperesi’, laban bup kira-kira wang turu nya udah silik diperesa chara ‘forensik’ kompeni jurukira entarabansa ti betikas global.
Kompeni-kompeni ti kala udah mansutka asil kira-kira nadai penimpang ba wang turu 1MDB nya kompeni gerasi jurukira magang baka Deloittes enggau KPMG ti bisi pampang sida di menua Malaysia.
![Raban ari kompeni KPMG Malaysia – nadai ulih dikarapka indu opis KPMG di luar menua Malaysia?](/wp-content/uploads/imgcache/2015/03/pImg_2eb6e3bf57d4bc2d768033d33796496d.jpg)
Tang ba minggu nyin kemari Sarawak Report udah mantaika siti penerang ti nunjukka sekeda ari pengawa ti bingkuk KPMG lebuh sida meresa bup kira-kira 1MDB ke taun kira-kira ti tembu ba bulan Tiga 2010.
Semua tu udah ngujungka 1MDB ngelamun pengerugi besai ba penyampau USD$700 juta, iya nya duit ti mayuh ti udah dipindahka pansut ari dagang kunsi enggau sebuah kompeni ngulihka minyak, PetroSaudi.
Udah bekau ti dibantaika Sarawak Report, dia siku pengarang berita ti mansik pasal pekara wang ti bepalan di Sydney, Australia, Ganesh Sahathevan, udah enggau chara terang-terang enchabar Pengerusi KPMG Global, John Veihmeyer, awakka meri saut iya ngagai jaku tuduh orang.
Sahathevan betanya ke sekali ke KPMG Global nemu pasal sebarang pemindah duit 1MDB munyi ti udah kala dibantaika?
![Gamal KPMG entarabansa – sebuah kompeni besai ti betikas global](/wp-content/uploads/imgcache/2015/03/pImg_bb1c2b73737c4779996b916a85b7d7ec.jpg)
Saut ti jampat diterima Sahathevan ari KPMG endang manah dibacha penuh laban iya madahka pasal pampang mit di Malaysia nya tau dikarapka bekereja nitihka stindit ti udah ditetapka indu opis sida.
Kepala lawyer ti ngarika John Veihmeyer indu opis kompeni nya nadai besangkut paut terus dalam pekara nya laban pampang ti mit nya semina numpang nama sida.
Disimpulka enggau jaku pandak, nadai siku pemesai ari indu opis KPMG betanggungpengawa ba utai ti dikereja pampang mit sida. Sida ditumbuhka ba siti-siti endur nya semina mantu lalu meri sanding penemu lebuh sida diguna.
Rakyat menua Malaysia enggau ari menua bukai endang arapka akreditasyen KPMG nya ngarika sebengkah jamin stindit tinggi; nguasa kualiti; meresa enggau proses disiplin dikena nentuka penegap meresa kira-kira nya tentu deka putus asa.
Nitihka penerang kepala lawyer KPMG, pampang sida nya bejalaika pengawa sida empu lalu pengrap ba sida nya enda dikemataka tauka enda nitihka stindit ti ditetapka indu opis sida.
Enti sema orang Malaysia enda mukai-mukai tetemuka isi ukui dalam ruti burger McDonald sida di KL, iya tentu ngarapka saut ari indu opis McDonald ari menua California – lalu iya tentu bulih jaku saut ti nyengala sereta nyemetak.
Tang enti KPMG Malaysia udah ditemu besaum mantu ngelalaika bebilion-bilion dui twang turu ari chukai mensia mayuh, indu opis sida di nengeri Armstedam deka nganjung serebana kita nya ngagai sebengkah komiti ti enda ditemu endang bisi tauka nadai di Switzerland ti endur iya nya kusung pengarap.
Saut ari Wethered nya: “KPMG International nadai bekaul terus enggau 1MDB” ti nunjukka jaku nya bebida enggau jaku ambu sida ba kereban publisiti kompeni nya empu.
Laman web KPMG enggau mayuh agi artikel ke bukai nunjukka, bida, ba jamin nyaga kualiti ti madahka nama sida semina dijali ngagai dagang kunsi sida di serata dunya.
Kelimpah ari nya mega, laman web KPMG terang bendar nunjukka ayat enggau leka jaku dikena ngias laman sida ti dikena ngelamun pengamah struktur kompeni nya ke bendar.
Laman web KPMG Global madahka Kepala Pemesai sida netapka polisi enggau atur dalam kompeni. Tang nadai nyebut pasal atur neritka polisi dalam kompeni.
Nadai mega disebut pasal polisi ulih dipechayaka dalam kompeni nya.
Ba tikas entarabansa, atur pengawa dalam KPMG nyadika tanggungpegawa sekeda opis ti bisi bekaul.
![Tinggi juluk ati, tang ulih tauka enda iya dipejalaika](/wp-content/uploads/imgcache/2015/03/pImg_14400eafe556b84804f7d57884a3ab9f.png)
Sekeda kuasa ti deka ngiring bala pemacha repot kira-kira sida ngambika berasai puas ati enggau atur nyaga kualiti ti dipejalaika, tang kusung, munyi ti diterangka dalam surat ari kepala lawyer KPMG.
Taja pan bisi penerang ti ngasuh saru runding pasal kualiti ti madahka pampang kompeni nya bekaul enggau pangan diri dikena “ngulihka pemanah nama” tang bisi pengurang ba atur tau dikarapka ti dipejalaika dalam kompeni.
Enggau nadai ngembuan atur tau dikarapka sereta juluk ati ti tinggi, jaku ambu pasal integriti ti dipadatka dalam kompeni KPMG nya nadai ai reti.
Nama teladan ti manah agi ari penimpang tanggung ke diatu ba atas skandal ti nyadi dalam KPMG?
Kepala lawyer dalam KPMG dipeda betul ba jaku ambu sida ti madahka indu opis sida tau mampul pending enggau mata ba penanggul ti mimit ti nyadi di Malaysia.
![Jaku randau portal berita The Star enggau kepala KPMG Global ke dulu suba Michael Andrew mansutka kebuah ti bebida-bida](/wp-content/uploads/imgcache/2015/03/pImg_fd3315a47e5910e88d53fb2ebd4935a9.jpg)
Tang, munyi ti dituduhka Sahathevan enggau orang bukai mega, tu ukai gamal kompeni ti bendar.
Jaku ambu nya nadai nyeremin utai ti nyadi enggau pengurang ba pejalai atur pengawa kompeni nya..
Nyadika chunto, ba sebengkah artikel dalam portal berita The Star ti betopik “Up Close Anf Personal” bekaul enggau batang pengawa Pengerusi KPMG Global.
Ba jaku randau iya Michael Andrew madahka The Star nya bala orang mayuh ti begunaka sida di KL bisi kuasa ngarapka tikas pemanah pengawa baka ti dikarapka orang di menua-menua Eropa.
Iya mega nyebut kompeni iya nyaguka “tanggungpengawa ke raban mensia mayuh ti besai agi”.
Taja pan munyi nya, enggau jaku ambu sida bempu tanggungpengawa ke raban mensia mayuh ti besai agi, tang ba kes 1MDB, orang mayuh enda diterangka pasal pengelenyau duit ari wang turu ba penyampau $700 juta, terima kasih ke atur meresa kira-kira KPMG Malaysia.
Lalu diatu KPMG Global ngumbai sida nadai tanggungpengawa ba penanggul ti benung ngeruga 1MDB.
Enggau nama tebilang KPMG Global ba tikas entarabansa tang sida bisi pengurang ba atur nguasa kualiti ba pampang-pampang mit-mit sida di menua bukai, ti ngujungka pemanah nama enggau munyi tanggungpengawa sida nyau lenyau penyakah.