![Kami madahka kita nya Jho Low nadai bekaul enggau kami](/wp-content/uploads/imgcache/2015/04/pImg_6bbf85e27a52be63bf81e49ea28df362.jpg)
Laman blog ofisyel Opis Menteri Besai diatu, The Rakyat Post, bejuluk ati deka madamka semua jaku tuduh enggau petenah orang mayuh bekaul enggau penanggul dalam wang turu bansa pemadu besai, 1MDB.
Blog nya madahka Menteri Besai empu udah “meresi” nama siku orang dagang biak ti kaya, lalu ulih “nerangka” ngagai orang mayuh nya “semua pemutus enggau atur pengawa dalam wang turu 1MDB udah dipejalaika raban pengurus enggau raban pengarah wang turu nya empu”.
Tu udah nyungkak jaku tanya ari orang mayuh nama kebuah Menteri Besai, beserimbai enggau nya, ngansak ngambika pansik dipejalaika atas wang turu nya laban udah mayuh penerang dipansutka, ti nunjukka pekara nya bebida?
Lalu nya mega nejuka mayuh orang deka betanya nama guna pansik dipejalaika enti jaku gerah nya dipansutka siku orang ti ngemendarka penumbuh wang turu nya?
Tambah mega Kabinet udah diterangka Opis Suratberita Menteri Besai nya 1MDB udah “diperesi” ari semua macham penanggul, taja pan jaku gerah tu kala mega udah dipansutka Sapit Menteri Besai, ti deka meda pansik ti silik patut dipejalaika.
KUALA LUMPUR, March 16, 2015:
Prime Minister Datuk Seri Najib Razak has cleared Malaysian businessman Low Taek Jho of any connection with investment firm 1Malaysia Development Berhad (1MDB).
“Mr Low Taek Jho has never worked for 1MDB and all decisions and dealings of 1MDB was done by the management and board of directors,” Najib explained. [Rakyat Post – organ of the Prime Minister’s Office’s cyber unit run by Arif Shah and Paul Stadlen]
Sarawak Report udah mujur meresa isi randau nengah emel entara Jho Low enggau bala bakih dagang iya dalam PetroSaudi enggau dalam 1MDB.
Tu mega nunjukka Jho Low endang nguasa penuh randau enggau kaul entara bala pemesai dalam 1MDB.
![Nik Faisal Arif Kamil - Email](/wp-content/uploads/imgcache/2015/03/pImg_f764a233d1ab6761517badd8ba577919.png)
Ambi ke banding randau emel entara bos PetroSaudi Patrick Mahony enggau Nik Faisal Ariff Kamal, siku pengelulu ari bank UBG ti diatu udah enggau 1MDB.
Nik Faisal udah nguji mai bala bakih baru iya dalam 1MDB ngambika bisi berandau enggau Patrick Mahony enggau Pengerusi PetroSaudi, Rick Haythornwaite, lebuh akaun terubah 1MDB disediaka. Enggau enda betangkan dulu, iya udah nguluka orang bekelala enggau diri sama diri entara bala bos PetroSaudi enggau Kepala Pegawai Pekara Belanja dalam 1MDB, Radhi Mohamed, ngambika napi jaku tanya ari raban auditor KPMG.
Tang Patrick Mahony enggau jampat mansutka jaku bantah ngagai bakih iya, Jho Low.
Isi pesan iya nya madahka diri enggai bejalaika pengawa enggau raban ari 1MDB ti mayuh agi tubuh lalu mega enggai ke bala orang dalam 1MDB nya bejalaika pengawa terus enggau raban ari PetroSaudi – lalu nya mega nyengkaum bos dalam 1MDB, Shahrol Halmi, ti patut dipelakangka, nyengkaum bakih iya empu ti nyadi pengerusi, Rick Haythornwaite.
Tang iya keran bendar awakka semua ti bekaul enggau iya nya “ulih dikuasa” iya nyengkaum Nik Faisal, ti kala nyadi eksekutif kanan dalam bank UBG, ti endang diengkahka iya dalam 1MDB. Enti enda pia, kenu ku penemu iya, sida enda ulih “nguasa semua macham arus penerang baka ti dikedekaka iya”.
Ba pengujung radau nengah emel nya Jho Low ngamatka penemu iya nya enggau chara madah ngagai Mahony awakka “madahka ngagai Nik Faisal laban iya deka kerejasama enggau nuan”.
![Jho Low meri jamin ngagai bos PetroSaudi nya Kepala Pemesai Pelaburan 1MDB deka ngereja sebarang pengawa nitihka asuh sida](/wp-content/uploads/imgcache/2015/03/pImg_078013e88cf2ccbe8f0d70cdeec5a913.png)
Nyerumba nya nengah emel ti bukai, Mahony udah mutarka pekara bukai enggau raban ari 1MDB ti bukai lalu madahka ngagai sida baka ni “langgur sida deka dipejalaika” ngena chara betukar-tukar penerang enggau raban ari PetroSaudi, nyengkaum CEO 1MDB, Shahrol Halmi ti udu kesal, ti endang seruran irauka terma-terma nya udah tauka bedau diasika.
![Anang madahka ngagai Pengerusi PetroSaudi International, Rick Haythornwaite](/wp-content/uploads/imgcache/2015/03/pImg_0893b38bed42aeae975a190f13f08b3e.jpg)
Ke nyata agi nya, pengerusi dalam PetroSaudi International, Rick Haythornwaite, udah ditejuka enda nemu sebarang pekara ti benung dikereja tauka benung nyadi.
Tarek Obaid, Pengarah ti bukai ke PetroSaudi udah sebana madahka Kepala Pemesai Pekara Belanja 1MDB nya seruran “ngenataika jaku tanya ti mapap”.
Radhi Mohamed meri terima kasih ngagai raban PetroSaudi udah bekau sida meri iya “gambar ngerambang” ke dagang kunsi ti bekaul enggau 1MDB ti beranakka puku $1 bilion dollar nya.
Udah nya Jho Low nutup randau nengah emel nya siku pemesai 1MDB, Casey Tan udah berandau enggau bala bakih ti endur iya nerangka ngagai sida semina iya enggau Nik Faisal aja “dikemendarka” berandau tauka betukarka penerang enggau Mahony.
Iya ngamatka CEO Shahrol halmi udah “besetuju enggau arahan pindahan nya”.
Shahrol Halmi berasai takut laban ti udah kena tekan sekeda ari raban pengarah enggau sekeda orang ti deka ngasika terma-terma lalu iya patut nyaga diri empu, ku Jho Low nerangka.
Sender: [email protected]
Subject: Re: Finance Administration
Message-Id: <C753E681.2DC4%[email protected]>
Recipient: [email protected]
Mahony nerangka semina $300 juta ari $1 bilion udah dipindahka masuk dagang kunsi nya dalam bulan Disember 2009, lalu beduduk ba penyampau nya nadai nyengala guna dipeda.
![CEO Shahrol Halmi ti ‘kesal’ nya patut “ngelindung diri empu”](/wp-content/uploads/imgcache/2015/03/pImg_42ae07df18d57c5ea6765256106f28a2.jpg)
Ba endur ti nyelai ke Menteri Besai/Menteri Pekara Belanja/Pengerusi Lembaga Penyanding Penemu 1MDB, Najib Razak tau ‘nerangka’ nya Jho Low nadai kala bekaul ba sebarang pengawa dagang 1MDB lalu semua penemu enggau pemutus penemu datai ari bala pengarah enggau bala pengurus sida.
Laban, terang bendar bala pengurus endang nemu sida patut ngasika jaku perintah ari Jho Low.
Sarawak Report mega udah bulih mayuh penerang bekaul enggau emel ti nunjukka 1MDB bisi bekaul dalam pengawa meli sereta ngambi alih pengempu bank UBG enggi sida Taib sebilik, tu mih tuduh penemu ke terubah ari PetroSaudi beberapa hari udah bekau pengawa nanggam sempekat dagang kunsi nya dalam taun 2009 nya kemari.
![Ba pun bulan Oktober 2009 iya nya beberapa hari udah sempekat dagang kunsi nya ditanggam, 1MDB PetroSaudi merambu deka meli bank UBG enggi sida Taib Mahmud sebilik](/wp-content/uploads/imgcache/2015/03/pImg_02b5724a96870c92e21ce2b89d06bb2d.png)
PetroSaudi udah bebula ke penerang enggau 1MDB ti madahka langgur pengawa dagang kunsi nya begunakan duit orang mayuh lebuh sida meli bank UBG.
Tang surat nya madahka tuduh penemu nya endang nyadika batang aum PetroSaudi, ti udah dijuraika sida enggau 1MDB semina beberapa minggu sebedau dagang kunsi nya ditanggam.
Enda ulih dikeenggaika, Jho Low nya endang siku ari raban pengarah enggau pemegai sher dalam bank UBG lebuh maya nya.
![Tarek Obaid – nyadi orang penulu ... tang ke sapa iya bekereja?](/wp-content/uploads/imgcache/2015/03/pImg_d8d6d7dca96fb8056163d39fdbcb2d52.jpeg)
Mayuh jaku tanya udah didinga sida, tang semua penerang udah dipebulaka sida, bekaul enggau kereja PetroSaudi Seychelles ba pengawa meli bank UBG, lalu iya nyadika anak kompeni ngagai kompeni ti enggi Putera Turki bin Abdullah, anak Raja menua Arab Saudi.
Sarawak Report udah mujur nunjukka, taja pan kompeni nya bisi nama ti sebaka munyi enggau nama PetroSaudi International, tang PetroSaudi Seychelles ke bendar iya dikuasa penuh Jho Low.
PetroSaudi Seychelles ngena alamat ti sebaka enggau kompeni Good Star enggi Jho Low di menua Seychelles, ti nerima duit ti mayuh bendar ari dagang kunsi 1MDB nya ($700 juta).
Sarawak Report udah nerima sebuah dokumen ti dikeluarka penyali duit lebuh pengawa meli bank UBG, iya nya AMBank, ti nyadika siti rekod penerang ti silik pasal randau, ti endur penyelai kompeni tu enggau kaul iya enggau kompeni PetroSaudi udah diterangka Mahony.
Laban kaul enggau Putera Turki, munyi ku Mahony, reti nya kompeni di Seychelles nya diempu Tarek Obaid lalu nadai kaul nyengala enggau indu kompeni.
Penerang tu ulih diterima bank penyali duit, taja pan Tarek Obaid ngumbai diri semina nyadika pengari ke orang ti ngempu kompeni ke bendar.
Ke bendar iya, jaku tanya, sekali ke tarek Obaid enggau PetroSaudi Seychelles nya bisi kaul enggau menua Arab Saudi tauka anak raja nya.
Kebuah baka nya laban penerang ti chukup tegap madahka kompeni nya semina nyadika kompeni penulu ngena duit orang mayuh ti ditarit ari 1MDB dikena sida meli bank UBG, diatu nyadika sebengkah penerang ti balat dikeenggaika perintah Malaysia.