![Ari laman web Solaire empu – Pengarah sida, Gerald Rentap Jabu](/wp-content/uploads/imgcache/2015/04/pImg_bb7cb4caaa3b2bf996973de44728dabb.jpg)
Juru Perebai Bilun Engkabang Clifford Fournier ti nerebaika bilun engkabang ti dituntung penusah bebadi bilun terempas kena 4hb April tu kemari lebuh dalam pejalai pulai mai bala pengabang ari pengerami melah pinang anak indu Menteri Besai, mega nyadika siku ari pengarah dalam kompeni penerebai bilun engkabang nya, Solaire Sdn Bhd.
Pekara ti enda ditusui iya nya bakih iya ti sama pengarah baka iya lalu mega pemegai sher ti bukai dalam Solaire nya siku orang politik ti mega nyadi orang dagang ti benama Gerald Rentap Anak Alfred Jabu, ti mangku pengawa nyadi Sapit Pengerusi Pemuda dalaam parti PBB (BN) Sarawak.
Gerald Rentap Jabu kala nyadika buah kenang orang mayuh nganti apai iya, Sapit Kepala Menteri Sarawak ti udah kelalu lama mangku pengaawa nya, nyadika pengari ke sida sebilik nya di sitak Layar, betong, ba bepilihbesai ti deka diatur tu ila, ba rintai pengawa dagang ti lama udah narit perati orang mayuh, enda kurang mega udah ditusui dalam laman blog tu.
![Laman web kompeni Solaire Sdn Bhd mantaika penerang sida](/wp-content/uploads/imgcache/2015/04/pImg_f273a713a76568dcb9c32d73d030b096.png)
Gerald Rentap Jabu lama bendar udah ngasaika pengelantang bulih mayuh konsesyen enggau lisin sereta mega kaul dagang kenyau ari umur iya agi biak ti endur iya nyimpulka perening iya ba pengawa dagang di Sarawak nya mar bendar dipejalaika, semadi kita bisi kaul politik enggau sapa-sapa menteri dalam BN.
Gerald Rentap Jabu bisi mayuh macham kaul dagaang, kelimpah ari indai iya empu, bala petunggal iya enggau mega bala adi iya kenyau ari umur iya agi biak.
Raban pemerintah di menua Sarawak tentu deka madahka kita, pemujur sida tu dalam pengawa dagang nya diturunka ari purih ti manah, baka selama, ukai betegalka chara nepotisme.
![Gerald Rentap Jabu nyadika pemegai sher pemadu besai dalam Solaire Helicopters, lalu bakih iya ti sama pengarah baka iya nya, Clifford Fournier, nyadi juru penerebai bilun engkabang](/wp-content/uploads/imgcache/2015/04/pImg_6a689f72dd59b84fc6a55d41ac3a1108.png)
Ke ngenyinuka ati, pekara ti enda ulih nyelamatka bilun engkabang Eurocopter Dauphin 9M-IGB ti nabanka nyawa semua tuai politik ari orang Malaysia ti nepan nya.
Bala raban pemansik ti benung bejalaika pansik sida deka nentuka nama utai ti nuntung juru penerebai bilun nya ti benung disempulang bakih indu iya dalam kokpit bilun ti dituntung penusah nya.
![Pengarah kompeni Solaire Sdn Bhd ti agi tinggal, taja pan enda ditusui dalam berita nya, Gerald Rentap Jabu.](/wp-content/uploads/imgcache/2015/04/pImg_06a9bd2d1ec8bb20c582adc8f36563e0.png)
Beduduk ari Gerald Rentap Jabu, siku ari Pengarah Solaire ti agi tinggal, Sarawak Report nyadang iya diatu benung dipansik orang bekaul enggau chara enggau atur pejalai sereta mega atur ngintu pengelikun dalam kompeni Solaire nya, taja pan kaul iya dalam kompeni lalu bedau ditusui ba sebarang suratberita di menua iya.
![Gerald Rentap Jabu nya megai 50% ari semua sher dalam kompeni Solaire ti dituntung penusah bebadi nya](/wp-content/uploads/imgcache/2015/04/pImg_0c67b515bd67d00a1161307c4dc57aab.png)
Ke bendar iya, Gerald Rentap Jabu ngembuan mayuh agi sher dalam pengawa dagang ti bukai.
![Bustari Yusuf](/wp-content/uploads/imgcache/2015/04/pImg_76369c15e1e758b8010ccbcdd16fa24c.jpg)
Mayuh ari sher kompeni ti disereta sida sebilik ti bisi kaul enggau apai iya, iya nya Bustari Yusuf sebilik, ti nyadika kroni Taib suba, lalu diatu nyadi kroni ke Adenan Satem.
Bustari Yusuf nya siku orang dagang, udah iya mujur bulih mayuh lisin nebang kayu batang lebuh menua diperintah Taib Mahmud ba taun-taun 1980. Lebuh maya nya Bustari bekereja nyadi Tukang Wang dalam parti PBB.
Diatu adi Bustari, iya MP Fadillah Yusuf, udah mangku pengawa nyadi Menteri Kereja Raya ba Perintah Besai, ke nyadi tanda terima kasih Najib Razak ngagai bala pengundi di menua Sarawak ti udah meri iya peluang betan ba kuasa iya lebuh bepilihbesai nyin kemari.
Fadilllah Yusuf nyadi Pengerusi ‘Sayap Peemuda’ dala parti PBB, lalu Gerald Rentap Jabu nyadika mandal iya.
![Tuai ‘Pemuda’ PBB – Fadillah Yusuf (di mua, kiba) sama enggau Gerald Rentap Jabu di kiba iya enggau bakih sida sebilik Adenan Satem (muak ke kanan iya).](/wp-content/uploads/imgcache/2015/04/pImg_10f422a7206f4797f1f751188bad0eab.jpg)
Sida Yusuf enggau sida Jabu sebilik endang udah lama bebakih kenyau ari penumbuh perintah kukut besi Taib Mahmud – nyengkaum Kepala Menteri ke diatu, Adenan Satem.
Dua buah ruang bilik orang diri sebilik nya ngembuan kaul dagang ti manah lalu mega ngembuan lisin nebang kampung ti besai bendar nengah kompeni sida, Sarako Sdn Bhd.
Sida Gerald Rentap Jabu diri menyadi enggau sida Bustari Yusuf sebilik bekunsi dalam dagang nengah sebuah kompeni pengawa rumah enggau jalai ti besai bendar, KACC Construction, ti udah bulih beratus juta ringgit ungkus kontrak pengawa ngaga rumah, jematan enggau jalai di menua Sarawak.
![Kaul Bustari / Jabu sebilik nyengkaum lisin nebang kampung, muka lading sawit enggau kontrak pengawa ngaga rumah enggau jalai](/wp-content/uploads/imgcache/2015/04/pImg_a4fd66ea47ea03e3b264dbd6fbeab442.png)
Lalu diatu dagang nengali ngeluarka baja dalam SALCRA ti bala dikutuk orang mayuh, ti endur dua bengkah ruang bilik orang diri sebilik (Bustari / Jabu) nya udah mutuska runding sida badu agi beranakka puku dagang udah bekau balat napi jaku kutuk orang keletegal bisi bekaul enggau pengawa bebalut.
![Kaul ti rat kenyau ari dulu suba – Jabu enggau Adenan](/wp-content/uploads/imgcache/2015/04/pImg_3fbd96bb4f4c6fca93700f102d58dc54.jpg)
Tambah mega, Alfred Jabu nya siku menteri ti nguasa penuh SALCRA, iya nya sebuah gerempung koperasi ti diempu menua Sarawak, ti udah nguna tanah enggau chara pejal ba orang bansa asal ke diguna bekebun dandang besai, ti nyemayaka untung ba dividen enggau untung ti bukai.
Tang pekara ti ngasuh ati orang mayuh sinu sereta nyima nya, baka ti udah kala ditusui dalam laman blog enggau laman blog tu mega, untung dagang SALCRA ti enda mayuh mai reti bala orang bansa asal ti dikena tanah sida deka diberi dividen ti mimit bendar.
Tang kompeni ti bulih atur dagang nengali ti mekalka baja ngagai kebun dandang besai SALCRA bulih untung ti besai.
Dagang nengali tu udah mujur ditengali Sarawak Fertilizers Sdn Bhd (SFSB), ti endur bala pemegai sher nyengkaum Biogift Sdn Bhd, iya nya nyadika pemegai 2% sher ari semua sher dalam SFSB.
Gerald Rentap Jabu enggau anak indu Bustari Yusuf nya pemegai sher pemadu besai dalam Biogift ti endur mega dipaduka nyadi pengarah ke kompeni Biogift.
![Gerald Rentap Jabu enggau anak indu Bustari Yusuf sama nyadi pemegai sher pemadu besai dalam kompeni Biogift](/wp-content/uploads/imgcache/2015/04/pImg_a8cfd6a1e93a6a17aef034bfe9487873.png)
Tang, Gerald Rentap Jabu dipeda nadai ngembuai penau sereta pengelandik baka apai iya empu lebuh bejalaika pengawa dagang dalam SFSB bedagang enggau SALCRA ti ngarika bala orang bansa asal ti bempu tanah, ti endur sebedau SFSB nya dijual, perintah menua udah masuk champur lalu ngambi alih dagang nengali nya, ti ditemu puntan ngulihka untung.
Nyerumba nya, Fadillah Yusuf (adi Bustari Yusuf) ti nyadi Menteri Kereja Raya, benung bebalut enggau penyarut mutarka kontrak besai ngagai jalai besai Pan Borneo.
Ba pun iya Fadillah Yusuf udah ditemu meri projek nya ngagai sebengkah kompeni ti benama Lebuhraya Borneo Utara Sdn Bhd, ti endur kepala penyakal DAP Chong Chieng Jen udah mujur nunjukka penyelai ba pengawa meri kontrak ti Sarawak.
Chong Chieng Jjen udah betanya pasal kompeni nya ukai, baka ti kala dikemesaika sekeda orang, sebuah kompeni proksi enggi menyadi iya empu, Bustari Yusuf.
Atur kronisma ti baka nya deka ngujungka penusah ti enda ulih diseliahka, kelimpah ari ti nginsap penatai pemisi menua ti patut diasaika bala rayat.
Enggau nya kami arapka Gerald Rentap Jabu udah ngerembaika pengelandik iya ti diguna nyadi siku Pengarah dalam kompeni Solaire, ti diatu benung napi mayuh macham jaku tanya enggau jaku pansik bekaul enggau penusah bebadi ba penerebai bilun engkabang terempas nya kemari.