![Sarawak Report udah mantaika pendiau enggau ulah ke-dua Khadem al-Quubaisi bekaul enggau pengaya iya ba repot bulan nyin kemari](/wp-content/uploads/imgcache/2015/04/pImg_5663781842b3fe1fd18ef6a447339eed.png)
Berapa minggu ke dulu ari tu bisi diayanka sebengkah berita ti madahka Khadem al-Quubaisi, siku lelaki kaya ti ditusui dalam laman blog tu, ti bekereja dalam wang turu Abu Dhabi Investments, ti mega bakih rapat Jho Low, udah dipechat ari penuduk tinggi iya.
Nyentuk ngagai beberapa hari ke udah nya, Khadem, nyadika siku eksekutif pemadu kanan di menua Arab nya.
Iya mangku pengawa nyadi Kepala Eksekutif enggau Siku Raban Pengarah dalam kompeni Minyak Entarabansa (IPIC), lalu mega nyadi Pengerusi dalam beberapa iti anak kompeni Aabar Investments enggau kompeni Arabtec.
Tang, sebengkah repot madahka Khadem enggau enda mukai-mukai nyurutka diri ari pengawwa iya nyadi Pengerusi dalam IPIC, ti dientudika siti berita ti madahka iya mega ngelepaska pengawa iya ti nyadi Pengerusi dalam Arabtec.
Udah nya kena hari Empat ti nangkan ke nya pansut mega siti berita madahka Khadem diketuka ari pengawa iya nyadi Pengerusi dalam kompeni Aabar Properties, ti nyadika anak kompeni Aabar Investments, iya nya sebuah kompeni ti bisi kaul enggau wang turu pemansang menua 1MDB enggau Jho Low dalam beberapa iti dagang kunsi ti udah ditusi enggau lenak.
Repot berita ti besangka sekali ke Khadem ti badu bekereja dalam Aabar Properties nya mega badu ari IPIC, ti mai reti iya mega badu bekereja dalam Aabar Investments.
Laman web enggi Aabar Investments mega enda mujur ngenataika saut sida ba ujung minggu nya dikena ngamatka sapa ti nyadi Pengerusi baru sida.
![Bedau dikemas – laman web Arabtec mengkang ngayanka Khadem nyadika tuan sida ba ujung minggu nya](/wp-content/uploads/imgcache/2015/04/pImg_5e4ede66704250b3563f961e2c0e03db.png)
![Pendiau, pengidup enggau ulah dua chara – Khadem ditemu nyadika siku playboy ti kelalu kaya lebuh maya iya merindang diri di Las Vegas, tang iya mega siku orang bekereja ba perintah ti dibayar gaji ari perintah](/wp-content/uploads/imgcache/2015/04/pImg_c96843a13c974a5b378731ea19583a3c.png)
Atur badu bekereja Khadem dipeda mar diseraraka ari artikel ti udah dikeluarka dalam Sarawak Report ba takah beberapa hari.
Dalam repot kami ti dulu, kami udah kala nunjukka bayar USD$20 juta ari kompeni Good Star enggi Jho Low dipasukka ngagai akaun bank Khadem di nengeri Luxembourg.
Lalu kami udah betanyaka bayar nya ngena konteks dagang ti chakah Aabar Investments enggau 1MDB, ti udah napi jaku kutuk ketegal pengawa dagang nya nadai meri penguntung ngagai wang turu orang Malaysia, diumbaka enggau pengelenyau bepuluh ribu juta dollar, ti nyentukka diatu mengkang enda ulih diakaunka.
Sepengudah berita kami dikeluarka, dia bala pengachau laman web udah nguji ngeruga ngapuska cherita nya ari laman web Sarawak Report tu.
Nambahka nya beberapa hari udah nya surat jurnal dagang entarabansa, the Finacial Times, mega mansutka pengirau ati sida pasal pengawa dagang Khadem di nengeri Luxembourg.
Surat jurnal nya madahka Khadem udah mansutka siti rintai nama ba sebengkah rumah di menua Spanyol, sebedau iya nyewa rumah nya nyadi ke indu opis IPIC Spanyol ti endur iya nyadi Pengerusi dia.
![Ngeluarka rintai nama ba sebuah rumah lalu udah nya disewa iya ngagai IPIC ti endur iya nyadika Pengerusi, ku the Finacial Times](/wp-content/uploads/imgcache/2015/04/pImg_e9e5b0b3d85c742ec092aa30d3eb20be.png)
Ke simpul nya, perintah Abu Dhabi udah mechat iya ari pengawa iya ketegal pengirau ati orang mayuh ba ‘wang turu pengaya sida’.
Nyerumba nya udah bekau beberapa taun bebalut pengawa enggau salah atur pengawa munyi ti ditanya bekaul enggau 1MDB, nadai siti pan tindak udah diambi dikena mutarka semua penanggul nya.
Tuai Audit Menua udah dikelaungka ari diasuh bejalaika pengawa iya mansik penanggul dalam 1MDB, enggau betambah penerang pasal salah kena kuasa munyi ti ditanya orang mayuh.
![Jho Low (belakang, kanan) lebuh penemuai raban ari Aabar Investments ti betuaika Khadem ke KL ngambika betemu enggau ‘bos besai’ lebuh nanggam sempekat dagang kunsi 1MDB dalam taun 2013 kemari](/wp-content/uploads/imgcache/2015/04/pImg_5cf8966c6bf056ec77992a87cac20f08.png)
Diatu berita udah dikeluarka madahka duit ti kelalu mayuh udah mujur dipindahka ari 1MDB ngagai akaun kompeni Good Star Limited ti udah nya dipindahka ngagai akaun enggi Jho Low empu di menua Singapura.
Penerang ti nyata nya madahka kompeni Good Star Limited nya endang enggi Jho Low, sebengkah penerang ti enda ulih dikeengaika iya.
Nya kebuah menua Malaysia patut ngansak menua Abu Dhabi bejalaika pansik nama kebuah duit ba pemayuh USD$20 juta patut dibayar ari Good Star ngagai Khadem ba taun 2012, nengah beberapa iti projek dagang kunsi ti disain iya enggau 1MDB ngarika wang turu Aabar Investments ti betuaika iya empu.
Semina ba taun nyin kemari kami mega udah nusui pasal Khadem enggau Jho Low udah nanggam sempekat dagang kunsi ti di luar, dikena seduai iya meli sher dalam Coastal Energy ti bepalan di menua Kanada.
Khadem udah bejalaika pengawa meli kompeni nya ngena kuasa iya ti nyadi Kepala ke IPIC, ti diatu udah mujur nguasa kompeni ngulihka minyak Spanyol nya, CEPSA.
Nengah kuasa Khadem, CEPSA udah meli kompeni Castal Energy ba rega USD$2.3 billion.
![Maya ti nanggam sempekat dagang kunsi 1MDB Aabar Investments dalam taun 2013 – Khadem betabi jari enggao=u pengerusi 1MDB ti dulu suba, Lodin Wok Kamaruddin](/wp-content/uploads/imgcache/2015/04/pImg_fa0b226f106cc328d4ba57424d881729.png)
Tang utai ti nyelai nya, kompeni SRG (Strategic Resources Global) ti enggi Jho Low, ti bempu nama ti nyau ka sebaka munyi enggau kompeni 1MDB / Opis Menteri Pekara Wang, SRC (Strategic Resources Company) udah dibai dalam pengawa nanggam sempekat dagang kunsi nya.
Kompeni SRG enggi Jho Low udah dinamaka nyadi ‘kompeni pemudah atur pengawa’ enggau siti sher lalu mega sepemilih sida dikena meli, ti endur sida udah dikarapka nyerahka sher udah nya, dipelabaka ngena rega ti tinggi bendar.
Bala orang ti megai sher dalam kompeni CEPSA diatu benung nganti atur pengawa meli sher chara ti nyelai ti enda deka nyadi mar ke sida lalu nadai duit deka tebasau ari dagang kunsi nya tama ngagai akaun Jho Low enggau bala bakih iya udah nya?
Menua Abu Dhabi patut ulih mantu ba pekara tu sereta mega ba beberapa pekara ti bisi kaul enggau pemuntan 1MDB enggau Aabar Investments. Sida udah dipeda besedia deka ngambi sebarang tindak. Nya pan, enti bisi orang bisi deka begunaka bantu ari sid