![Brian Lord nguna jam ti lama madahka diri ti kala nuliska penemu ti dikeluarka dalam NST](/wp-content/uploads/imgcache/2015/07/pImg_2dd7107a051001bed4e1bd193d7db566.png)
Sapa orang ti benama Brian Lord?
Kami udah nunda gaya tulis topik baka ti suah digaga sida New Straits Times bekaul enggau tangkap siku peranak menua Switzerland, Xavier Andre Justo, ba opis polis Thailand ti semina betegalka penyalah imigresyen aja.
Dalam artikel tu raban pengarang berita ari suratberita NST udah nyemburka jaku tuduh sida ngagai Justo enggau ngagau Sarawak Report udah bekau beberapa iti penerang ti dibantaika kami bekaul enggau skandal makai suap dalam ‘wang turu pemansang menua’ 1MDB.
Leka jaku enggau genteran ari artikel nya udah diangkatka media ti dikuasa UMNO nya di Malaysia lalu mega bala orang ti ngelilingi sereta nyaga Najib Razak.
Nitihka ensera sida nya, cerita pasal skandal 1MDB ti dibantaika Sarawak Report nya semina bepelasarka ‘surat-surat penerang ti udah dikachau tauka dibali’ ti diterima ari Justo.
Nya alai, bala orang ti manah-manah di Malaysia deka dipadahka, nadai penanggul dalam 1MDB, lalu duit bebillion-billion ringgit ti lenyau nya deka ditemu baru, laban Justo enggau Sarawak Report tau ditetapka bula ti semina ngarapka bayar (ari sekeda orang ti enda dikelala).
![Imej ‘pematau beresia’ PGI diatu berubah nyadi orang ti bejaku besai](/wp-content/uploads/imgcache/2015/07/pImg_35d31e718d3c5f69979c261487114a19.png)
‘Penerang’ ti nyadika pelasar petenah tu datai ari sebuah kompeni “pematau cyber” ti benama Protection Group International (PGI).
PGI udah diupah kompeni PetroSaudi, iya nya sebuah kompeni ti benung nyadi tumpu perati orang mayuh bekaul enggau skandal gubah duit bebillion-billion ringgit dalam 1MDB.
Tang surat-suratberita ti dikemataka Najib enggau bala menteri iya dipeda baka ti nadai penanggul lalu udah ngena pengawa kompeni PGI enda nyalah-nyalah sida nya raban orang ti landik.
Enggau nya, nama komen ari kompeni PGI, nama kebuah sida bejaku munyi nya lalau sapa sida ke bendar nya?
Ke terubah iya suratberita NST semina ngangkatka jaku ari siku orang ‘ti enda diberi nama’ ari kompeni pematau PGI.
Lebuh raban lawyer Sarawak Report nanya PGI sekali ke kompeni sida kala ngarang jaku nya lalu enti sida amat kala, dia kompeni nya enda nyaut.
Kenu ku sida PGI, sida semina meri saut ti dikemendarka klien sida, iya nya kompeni PSI, ti diatu benung kena pansik empat buah agensi ba pengelenyau duit kira-kira dua billion dollar ari wang turu 1MDB nya.
Saut ti sebaka baka nya mega diberi ngagai portal berita internet ti bukai ti deka ngabas pengamat jaku tuduh ti nyelai sereta enda ulih disukung tu.
![Kimpin jaku petenah ti besai rampa](/wp-content/uploads/imgcache/2015/07/pImg_9e742d6f97045578d6f6fdca68fe74da.png)
Ba pengujung iya, dua minggu udah nya, jaku pemutus ari pengupah PGI madahka bisi siku orang besedia deka betanggungpengawa ba komen nya, laban kenu ku sida nya, kes ti dikena ngelaban Justo enggau Sarawak Report dalam media di Malaysia bepanggai bendar ba sida nya.
Pekara ti ngasuh malu nya, nadai siku orang udah meri nama ke orang ti mansutka komen nya.
Enggau nya, ba hari ti sama udah bekau MalayMail Online madahka sida enda ulih mansutka nama orang ti nyebut jaku nya, dia PGI lalu nikal ngagai portal berita nya kena hari Minggu nyin kemari lalu madahka nama orang ti diberi tanggungpengawa mansutka jaku tuduh nya lalu nyadika peasar sida ngelancharka mayuh agi serang sida.
Orang ti disebut sida nya, iya nya Pengarah Urusan sida dalam OGI, Brian Lord.
![Brian Lord suah bendar niki ke atas panggau ngelakuka PGI ba panggau dunya](/wp-content/uploads/imgcache/2015/07/pImg_ca279a520059348cf495f81aa5843a57.png)
Kami udah nunjukka nya, surat-surat penerang ti dibantaika kami nya enda kala dikachau tauka dibali kami bak iya ti asal.
Kami kala udah nunjukka semua macham jaku tuduh tu enda besukung enggau sebarang penerang ti nyata ti madahkaUS$700 juta udah kala pansut ari dagaang kunsi PetroSaudi ti asal nya ari beberapa ratus juta ti udah disintak pansut ari dagang kunsi nya dalam kandang dua taun – semua nya tama ngagai akaun bank enggi bakih Menteri Besai, Jho Low.
Kompeni PGI semina udah masuk pengawa nya kenyau ari taun 2012, lalu Brian Lord semina enggau sida setaun tu udah.
Sebedau nya Brian bekereja enggau kompeni bukai ti nadai bekaul enggau pengawa nyaga komputer, tauka meresa isi repot pengarang berita.
Brian engka udah belabuh bekereja ari tikas ti baruh laban iya ditemu nadai ngembuan sebarang degri. Nya alas sebedau iya pinchin iya patut ngulihka duit upah ti mayuh ari ti ngereja mayuh macham pengawa ti ulih tangkup iya.
![Palan pemending di UK ba GCHQ](/wp-content/uploads/imgcache/2015/07/pImg_b414146c10929fdb8bf4694e82b51f91.jpg)
Iya besedia meri penemu iya ba pengawa ti di luar penemu iya.
![Sekeda ari bala orang dalaam PGI](/wp-content/uploads/imgcache/2015/07/pImg_d79b76510cde74618244fc5304554d82.png)
Kompeni PGI udah ditumbuhka dalam taun 2012 ulih dua iku soldadu tasik ti semina sempat belajarka pasal utai bekaul enggau cyber suba.
Taja pan munyi ku sida, “beribu-ribu” iti kes udah diputarkan Brian enggau bala bakih iya dalam PGI, tang kompeni sida nya nyau deka bankrap ba taun yin kemari, munyi ti ditusui siku ari pengereja pengawa ti kala bekereja enggau sida.
![Diselamatka siku orang dagang ari Timur Tengah?](/wp-content/uploads/imgcache/2015/07/pImg_aa3df7f1dc81d1812b3550783bc80833.png)
Kompeni PGI ti nyau deka bankrap nya udah mujur diselamatka siku orang dagang ari Timur Tengah, kenu ku pengereja pengawa ti udah badu bekereja enggau sida dalam PGI.
![Dr. Mohammed Al Barwani Pengerusi MB Holding – bos baru dalam PGI](/wp-content/uploads/imgcache/2015/07/pImg_313e900d6626406a457cafbde39bfd86.jpg)
Pengerusi MB Holding – bos baru dalam PGI
Tu nyadika jaku tuduh ti disukung rekod kompeni ti nunjukka siku orang dagang ari Oman, Mohd Al Barwani udah mujur meli sher pemadu mayuh taun nyin kemari laly mayuh ari raban pengarah sida udah ditukar.
Enggau nya, pengawa Brian ti nguji ngangkatka PGI nyadika sebuah kompeni ti udah tebilang nya nya setipak enggau gaya pejalai kompeni ti kasak-kasak nya.
Lalu iya sanggup bekerejaa bebendar nempa topik ti manah-manah dibacha ba surat-suratberita ti tepilih di Malaysia lalu ngelancharka serang ba munsuh klien ti ngupah iya.
Tang komen-komen iya semina dipeda baka penuchi mata lalu reputasyen PGI nya diatu nyau sebaka enggau enggi sida PSI.
Duit ari PetroSaudi nya patut dikena melanja tuju pengawa bukai ti ulih ngenataika pemanah.