![Pengabang ti dikangauka iya ngulu pengerami iya – Jamie Foxx kala besemaya deka beresia, tang ke sekali tu iya terebai ngena bilun jet iya empu ke orea Selatan](/wp-content/uploads/imgcache/2015/11/pImg_dce1815a3ca80a7741b6c801c2843714.png)
![](/wp-content/uploads/imgcache/2015/11/pImg_1bb9982c2def4d89b1b1204ffe6a0e07.jpg)
Sebuah ari sekeda kapal besai layar berega mar di dunya, Equanimity, udah dipeda belayar berlubah-lubah ari pengkalan Incheon di Korea Selatan lepas pukul 5 lemai hari Lima tu tadi, ngelaika pemun pengerami bebillion-billion dollar ti diatur Jho Low, ti dilangkarka dirami semanjai-manjai malam di luar tebing tasik menua nya.
Sama dalam pelayar kapal nya tuai pengabang ti dikangauka datau nitihka pinta siku pengubah duit ti pemadu digiga di menua Malaysia diatu, Orang Kaya ti biak, Taek Jho Low.
Tu nunjukka kapal layar berega mar nya, ti suah dikumbai iya ukai enggi iya, udah dikena ngatur pengerami iya nya.
Sarawak Report bisi dipadahka pasal Jho Low udah ngangauka mayuh bakih Hollywood ti endang diupah iya datai ngabang nya – sekali agi, ke serak tu ngerami hari pengada iya ba pun bulan November tu.
![Pengabang ti diupah ngulu pengerami nya, Psy](/wp-content/uploads/imgcache/2015/11/pImg_2d7fc5db1a1155ea7e2ed077f0e4391c.png)
Jho Low dipelabaka bisi udah ngupah enda kurang ari 24 iku ‘pengabang ari orang selebriti’ datai ngagai pengerami iya nyengkaum dua iku pemenang perais Grammy enggau dua iku pemenang perais Oscar.
Pengabang ke bukai nya nyengkaum Psy ari Korea, Leonardo di Caprio. Kami mega dipadahka pasal siku bintang filem enggau model pekayan bikini, Kate Upton, sama dirintaika dalam rintai nama pengabang Jho Low ke pengerami malam nya.
Pemayuh bala pengabang ari orang selebriti ti dikangau ngulu pengerami Jho Low atas kapal layar iya nya bisi 26 iku (nambahka pemayuh raban kelasi kapal nya empu 28 iku).
Kapal layar nya disikap enggau sbuah pegung endur nyemerai ba pemesai 20 meter enggau dek 91 meter, ti deka dikena Kate Upton ngayanka tubuh diri malam nya.
Lebuh hari nyau malam, kapal layar nya lalu ngejang jauh ari pengkalan Korea, lalu nitihka perati kami, Jho Low empu deka datai ba kapal layar nya ngena helicopter ari palan endur iya ti ngelalaika diri ngelama tu di menua Taiwan.
![Nandu ulah enggau pendiau ti lama – Jho Low enggau paris Hilton di San Tropez, sebedau Low ngelalaika diri di Taiwan.](/wp-content/uploads/imgcache/2015/11/pImg_f8e490fa21ce76c427ecdb30d6c4a6d9.jpg)
Pengerami ke sekali tu, sebaka enggau pengerami ti bukai ti dulu agi, endang udah dilanggur enggau naka penyimat, sereta penuh resia.
Bala pengabang dipinta besemaya nyimpan resia; sida enda tau mantaika pasal sapa pengabang bukai ti bisi dikangauka, lalu sida mega enda dipadahka sapa ti bempu pengengerami nya, taja pan sida semina dipadaka pasal orang ti empu pengerami nya siku orang kaya ti biak ari pelilih menua Asia. Gambar enggau tweet sereta enggau jaku randau enggau pengarang berita mega ditagang ba pengerami tu.
Saut iya nya ba Jho Low empu, ti enda ulih nulak pengingin enggau peneka iya empu ti bebelanja bebillion-billion dollar, duit ti udah dikelimpangka ari wang turu 1MDB lalu dipasukka ngagai akaun iya dikena iya berami, tang iya mengkang takut ngasuh dunya nemu pasal tuju pengerami nya enggau sapa ti dikangauka iya berami (nyengkaum sekeda pengerami ti diatur di New York, ti endur iya diatu diperatika lalu dipansik).
![DJ ti bisi datai nyereta bintang Jamie Foxx](/wp-content/uploads/imgcache/2015/11/pImg_5f201ad4480769a0be6c466843fddfea.png)
Sekeda penerang ti ditiriska ari pengerami nya sekali agi nunjukka Jho Low deka ngelalaika ulah iya ti udu ngerua. Ulah nya dipandangka iya ngena kain rentang ti nunjukka iya nya siku orang ti ‘gerah jari’.
Iya meri para pengabang iya duit US$50,000 dipelanja ba pengerami nyuaka pemeri ba UN ti dipilih sida dikena sida nambahka duit dalam wang turu sida.
Chara ti baka tu disadang dikena Jho Low meli pengebal diri ba gerempung UN enggau gerempung pengasih ti bukai di menua UN.
Rayat Malaysia nadai kala ninga berita sapa peranak Malaysia ti udah meri duit pemeri ngemayuh nya ti ulih ari ngeruga wang turu baka 1MDB nya.
![Kapal layar penuh diisi enggau ai champagne enggau bunga api? Kapal Equanimity udah sangkai di pengakalan Incheon Korea ba pun minggu tu tadi.](/wp-content/uploads/imgcache/2015/11/pImg_f8b805a5cabc89a2fb9d085dc7132d0b.png)
Pengerami malam nya udah madamka pengawa bebula berita Jho Low ba berita angin ti madahka iya orang ti bempu kapal layar berega mar, Equanimity, kapal ke-39 pemadu besai di dunya, ti dianjung kompeni pengaga kapal ari menua Belanda ngagai ‘siku orang dagang bebansa China’ ba taun nyin kemari.
Sarawak Report udah dipadahka pasal pengerami atas kapal layar nya deka diatur ba luar tebing tasik menua Korea empat lima minggu ke udah, lalu pejalai kapal nya belabuh belayar udah diperatika. Endang baka ti disangka, kapal layar Equanimity udah belayar ari Pantai Timur menua Amerika lalu nuju menua Korea Selatan kenyau ari pemun musim panas kemari.
![Sekeda ari pengkalan penyangkai Equanimity baka ti udah direkod ba bulan-bulan ke udah](/wp-content/uploads/imgcache/2015/11/pImg_6932a7d6ab8624858cc70e69ef47b413.png)
Pejalai kapal layar nya datai sangkai ba pengkalan Incheon ngambika bisi disikap sereta disediaka Jho Low.
Kapal nya udah belayar nengah jalai tasik ti ngalitka ati sekeda orang pelayar endur iya ngenataika diri di Korea Selatan ari Panati Timur US.
Iya belayar ngelaungka Terusan Panama tang nuju tunga utara ngagai Pantai Atlantic belabuh ari pengkalan asal iya di Fort Lauderdale di Florida ba bulan Mei lalu nyentuk ke tasik Artic semanjai tengan musim panas kemari.
Udah nya iya terus nuju Kutub Utara, nengah jalai Barat Daya ti tebilang lalu suah agi ditemu meku ai batu di tasik Artic, mansa tanah Greenland enggau Alaska lalu tama ngagai Pasific Utara.
![Pejalai kapal nengah arus Barat Daya ari Florida US ke Incheon Korea Selatan!](/wp-content/uploads/imgcache/2015/11/pImg_6e4b7c6f7ae55d52e5b5661b7e30ece9.png)
Pejalar kapal tu nyadika pejalai iya udah datai ba tikas ke-200 belayar nengah arus ti tau nganu nyawa ti kala udah ditengah orang bukai dua taun ke udah, terima kasih ke penyelai ubah ba pengangat dunya di pelilih Artic.
![Belayar pasut ari tasik Bering di menua Unalaska](/wp-content/uploads/imgcache/2015/11/pImg_9f6eab6dbdfe82eaa238c1a7411476e0.png)
Penatai kapal nya sama enggau orang ti bempu iya udah narit ati sekeda ari media lebuh kapal nya sangkai di luar pengkalan Belanda di Unalaska ba bulan Semilan tu kemari.
Media di menua nya enda kakang nyebut nama Jho Low ‘jutawan ti benung dituntung penanggul” nyadika orang ti bempu kapal layar berega mar nya.
![Sekali ke Leonardo di Caprio deka datai ngulu pengerami Jho Low ke sekali tu?](/wp-content/uploads/imgcache/2015/11/pImg_6ec1fa8579853cc9f73972c1359b50be.png)
Kapal layar nya diias enggau naka pemanah nitihka daya idup bansa China, ngena buluh enggau emas, udah dipeda belayar nuju ke Selatan, nengah tasik menua China lalu tama ngagai kandang tasik Jepun ti endur iya lalu dipelayarka belubah-lubah mansa sekeda pengkalan, nyengkaum Hiroshima minggu nyin kemari.
Ba ujung minggu nyin kemari ia mansutka diri ari tasik Jepun lalu meraka tasik Kuning menua China lalu nuju Korea Selatan, ti endur bala pemerati endang belabaka kapal nya deka sangkai – ba pengerami Jho Low.
![Equanimity belayar nuju tasik Jepun lalu terus ke Korea ba ujung minggu nyin kemari](/wp-content/uploads/imgcache/2015/11/pImg_a9ebc7907e97fb865f7762a59d014cb1.png)
Bala pengabang iya udah belabuh datai ari mayuh bengkah menua serata dunya. Tang resia pasal kapal layar Equanimity enggau orang ti bempu kapal nya udah ditemu. Kami arapka berita kami tu enda nanggul pengerami ti udah diatur ke Jho Low!
![Gaya rampa menua baka ti ditimpai Jamie Foxx ari bilun lebuh iya ti deka sangkai di Korea betemu enggau Jho Loww siku orang kaya ti bempu kapal layar berega mar nya, berami ngena duit ti dichuri ari rayat Malaysia ti seranta](/wp-content/uploads/imgcache/2015/11/pImg_766f8cda68248c043b592107a110822a.png)