![Gabenor menua Virginia, Terry McAuliffe bisi nerima US$25,000 ke kempen bepilihbesai iya dalam taun 2013 suba](/wp-content/uploads/imgcache/2015/11/pImg_6511514808ab0a0650d0cb71f52a0b26.png)
Duit ke dibayar 1MDB ngagai kompeni US, DuSable Capital Management, ti ditagaka dikena ngelobi perintah US ngambika nyukung projek kuasa karan solar di Kedah, udah dikena ba pengawa kempen bepilihbesai 2013/14 ba abis nadai 7 iku calun parti Democrat, nitihka sekeda ari fail ofisyel.
Sepenyampau duit ti udah dibayar, nyengkaum US$25,000 ba kempen gabenor menua Virginia, Terry McAullife ba ujung 2013 lalu US$5,200 ngagai tetiap iku ke tiga iku calun Senat dalam taun 2014, Mark Begich, Michelle Nun enggau Dick Durbin.
Dick Durbin diatu nyadika siku kaban parti minoriti Democrat ti udu ragak dala senat US, ngujungka iya siku orang politik ti besai pengaruh.
Kompeni DuSable ti betuaika Frank White, nya siku orang ti nyadi tuai pengiga belanja ke residen Obama lebuh kempen bepilihbesai iya dalam taun 2012 nyadi penyukung Parti Democrat.
Dalam taun 2013 iya udah madahka pemutus penemu diri masuk pengawa dagang ba ekuiti ngatika diri.
![Dick Durbin – kempen iya nerima US$5,200](/wp-content/uploads/imgcache/2015/11/pImg_1f61025d84e863e83d6a290b58fc58c0.png)
Kenyau ari kompeni nya direjista semina 1MDB enggau Parintah Melaysia ti nyadi klien iya ke terubah. Tu udah nyungkak jaku tanya wang turu nya dipelabaka dikena melanja kempen bepilihbesai di menua US, dikena perintah Malaysia ngulihka sukung, taja pan atur tu enda salah atas kompeni ti berejista US nyukung pengari bepilihbesai sida.
Udah nya DuSable nerangka mayuh macham pengawa iya ti nyadi agen menua luar, nyengkaum nyediaka sanding penemu ke projek kuasa karan solar 1MDB; nambahka puku dagangkunsi bekaul enggau pengawa ngeluarka kuasa karan enggau pengawa ngelobi ‘sukung ukai mata duit’ perintah US ke dagang tu.
Sebengkah penerang ba Opis Pengerejista Agen Menua Luar US dalam taun 2014 ti dikamatka DuSable udah nerima US506,079 ari perintah Malaysia kena 28hb Oktober 201 nyadika bayar ke dagangkunsi ke projek kuasa karan di Malasysia.
Guna sukung perintah US ba projek kuasa karan solar di Kedah nya enda tentu terang.
![Jaku tanya ti enda berubah-ubah – Wong Chen](/wp-content/uploads/imgcache/2015/11/pImg_3d1b2972bcfd82b16df9e1587f8c3c45.jpg)
Pekara ti nyelai agi, ba pun bulan tu Menteri Besai Najib udah madahka, nadai kaul dagang entara perintah Malaysia enggau kompeni DuSable.
Bala kaban parti penyakal Malaysia udah mansutka asai ati tekenyit sida, baka ti dipansutka pengari PKR, Wong Chen, ti madahka jaku ambu nya diterangka nengah penerang besama 1MDB enggau DuSable, ti madahka kaul nya udah mayar US$69 juta ngagai sebengkah wang turu ti dikemataka DuSable, Yurus, ti bulih dagangkunsi 49% dalam projek pengeluar kuasa karan solar 1MDB nya.
Reti Nya, skandal dalam 1MDB ti majak tebantai nya, Parti Democrat US ti megai perintah, nyerumba pemuai Obama, meda sida empu dibalut pengamah, ketegal penanggul makai suap di menua Malaysia.
![Dokumen ti difailka DuSable dalam FARA ti dikenataika ba bulan April 2014](/wp-content/uploads/imgcache/2015/11/pImg_0c203be4859a33fc1a0e2eb9edb57dec.png)
Sarawak Report udah mansik dagangkunsi projek kuasa karan solar 1MDB ti lalu bedau dipenyadi, lalu Sarawak Report bisi berandau enggau bala pakar dagang ekuiti ngati kediri pasal pejalai atur pengawa ba dagang enggi Frank White ti masuk enggau cara beguai-guai. Tu nyengkaum bayar ti digaga 1MDB ba penyampau US$69 juta ke diperanakka dalam projek dagangkunsi nya ti bedau nyengenda nyadi nyata.
![Pelasar wang turu Yurus belabuh ari kusung lalu niki ngagai US$505 juta – udah nya US$70 juta ditikika udah pengawa nyual sher sida, sebedau dikeluarka ...](/wp-content/uploads/imgcache/2015/11/pImg_9487c60337ea6d1a7a092eea2b06e648.png)
Penerang nitihka sekeda rekod ti bisi nya nunjukka wang turu Yurus ti dipunka White, udah mujur ngerejista semua US$69 juta ti diterima ari 1MDB nyadika untung tambah, lalu nyadang sida enda beranakka puku asal US$505 juta dalam dagang kunsi nya.
Sarawak Report mega ulih mantaika penerang ti endur wang turu nya udah minta diri ditutup ba bulan Julai taun tu tadi enggau penyampau puku dagang sida US$76 juta, ti endur sher sida nya mayuh agi diterima ari 1MDB.
![DuSable nyual sher sida lalu pansut sebedau pengawa berengkah](/wp-content/uploads/imgcache/2015/11/pImg_369be937c10ef535eefd23f9a4e31a91.png)
Bala pengurus wang turu nya ngamatka penerang ti madahka ke semua puku dagang semina dituliska atas keretas aja baka ti dipejalaika 1MDB, lalu Sarawak Report udah mantaika bayar ke terubah US$1.83 billion ke dalam kompeni dagang kunsi ti endang enda nyata, enggau kumpeni PetroSaudi. Mayuh agi ‘puku dagang’ nya ditemu tama ngagai akaun bank penyanding penemu 1MDB, Jho Low.
Wang turu Turus nya udah dikorporatka White dalam bulan Oktober 2013, ti dilancharka iya ti mega nyadi pengurus Ekuiti Ngatika Diri nengah kompeni iya, DuSable, ti dikorporatka dulu beberapa bulan kena 9hb Mei 2013.
![Emmanuel Guyot, siku pakar teknologi kuasa karan solar ti dibai ari sekeda projek kuasa karan solar Jerman tama ke menua tu?](/wp-content/uploads/imgcache/2015/11/pImg_7ff7d379ab29d6f2f0053552fa7094f9.jpg)
Pansik kami tetemuka kontrak ke terubah DuSable nya nyadika penyandi penemu enggau pelobi ke palan kuasa karan solar di Kedah ngarika Perintah Malaysia enggau 1MDB di baruh dagangkunsi enggau 1MDB.
Seninjik bendar, baka ti disadang, lima bulan udah nya, kena 18hb Mach 2014, Perintah Malaysia udah ngemendarka 1MDB belabuh bejalaika atur pemansang projek kuasa karan solar. Dagangkunsi nya dipejalaika Yurus enggau 1MDB kena 11hb April taun nya, lalu ba hari ti nangkanka nya sebuah pampang kompeni nya udah ditumbuhka dikena belabuh ngaga palan kuasa karan solar di Kedah.
Bala pemerati nemu perambu ke projek nya endang dikena ngemanahka kaul enggau Obama.
Dalam bulan Julai 2013 kompeni Conergy ari Jerman pan badu ngereja pengawa , ti endur Sapit Presiden sida to di Singapura, Emmanuel Guyot lalu belabuh bekereja dalam DuSable.
Beduduk ari nya Frank White Jr ti udah nyual kompeni penyukung IT iya sebedau bepindah ngagai pengawa kempen politik, ukai semina rindu ke pengawa nyadi penyanding penemu projek nya, tang lalu numbuhka wang turu Yurus, ti sebagi ari nya dipelanja Aabar.
![Tanggungpengawa wang turu setengah billion ke sebuah kompeni ti mit](/wp-content/uploads/imgcache/2015/11/pImg_3cc45c4731b345d85ee4008b57b97131.png)
Penerang ari dalam madahka ripih pengawa nya dikereja enggau jampat ke sebuah kompeni dagangkunsi ti baru ditumbuhka.
DuSable direjista nyadika agen menua luar kena 26hb September 2013.
Wang turu Yurus dikorporatka beberapa hari udah nya ba pun bulan Oktober. Wang turu ti ngasuh ati orang mayuh irau nya, madahka sida nambahka puku sida US$505,000 juta ba beberapa minggu, iya nya kena 17hb Oktober ari dua bengkah kompeni, sebengkah nya, baka ti udah ditusui Wall Street Journal, kompeni Aabar ari menua Abu Dhabi.
Seminggu udah nya, kena 28hb Oktober, kompeni DuSable nerima pampas sida ti nyadi penyanding penemu ba penyampau US$505,079 ari 1MDB.
![Fugee](/wp-content/uploads/imgcache/2015/11/pImg_4d426456edcf8f89b6f3b557265d0c43.jpg)
Sarawak Report enggau media bukai udah nuliska mayuh berita ti nyelai-nyelai ti ngelilingi Aabar, kenyau ari beberapa bulan ke udah tu, ti ditusui bisi lenyau US$50 billion, sekumbang ti dikemataka pengurus sida ke dulu suba, Khadem al-Qubaisi.
Mayuh ari tindak enggau pengawa ti nyelai ti ulih dikaitka enggau 1MDB, ti endur utang enda ulih bayar Aabar nya ditagaka dikena mayar utang pulai nyentuk ke bulan Jun 2016 ila.
Bala pakar dagang ekuiti ngatika diri bisi udah madahka ngagai Sarawak Report ti madahka pemujur kompeni baka DuSable ti bisi tiga iku pengereja pengawa lalu nadai ditemu bisi penemu ba pasal ekuiti ngati kediri, ba pengawa ngulihka puku dagang US$505 juta nya udah ngasuh bala orang dalam industri nya tekenyit sereta alit ati.
Bakih White dalam kompeni DuSable nya bakih sama bekempen enggau iya, Shomik Dutta, ti mega sama enggau iya bempu wang turu Yurus, iya nya Pras Michael, siku penyanyi lagu berentak Fugee.
Kena 2hb Oktober 2014, kurang enam bulan udah sempekat dagangkunsi ditanggam 1MDB udah ngerekodka atur sida meli 49% sher dalam Yurus ba pemayuh US$69 juta.
Belabuh ari sehari nya DuSable udah ngerejistaka penembu sida nyadika agen menua luar enggau Perintah Malaysia.
Diatu udah ayan ukai semina dagangkunsi Yurus 1MDB aja ti diketuka. Semua setengah billion dollar mega udah diabiska kena 30hb Jun.
![Yurus udah diketuka ba bulan Jun, lalu nyerumba nya mega Aabar napi penanggul dalam kompeni sida empu, nyengkaum atur nebus 1MDB](/wp-content/uploads/imgcache/2015/11/pImg_e9abb284574c68b14efe5f5b2bf81a34.png)
Surat nya nunjukka nadai sesen pan duit ti udah disemayaka ngagai ekuiti ngatika diri ari bala waris nya udah didagangka bala pengurus dalam DuSable.
Tu terang bendar ditunjukka dalam surat penerang ti penudi difailka Yurus ngagai SEC, ti endur nyawa duit dalam wang turu nya semina bisi US$76 juta, iya nya lebih mimit bebanding enggau duit tebus ari dagangkunsi 1MDB empu, ti endur nadai utai didagangka Yurus.
![Laluh rega DuSable nunjukka indu penguntung sida datai ari bayar 1MDB ke dagangkunsi ti ditinggalka sida nya](/wp-content/uploads/imgcache/2015/11/pImg_f5fffc400aab412fb034991ba854b5ab.png)
Raban orang parti penyakal Malaysia udah betanyaka pengelenyau duit ari wang turu US$505,000 – saut ti diterima sida nya semina penyampau ti patut disanggup tang enda kala dipedagangka DuSable lalu ari nya nadai sesen pan udah dipansutka ari Yurus.
![Akaun IPIC/Aabar patut ulih nunjukka saut pasal kini penunga duit nya](/wp-content/uploads/imgcache/2015/11/pImg_96613a406e35d336b2f437043995211c.png)
Penerang nunjukka dagangkunsi enam bulan enggau puku dagang ti udah dipadamka nya, udah ti bulih untung US$70 juta ari 1MDB nyengkaum setengah juta duit pampas ke sanding penemu, enggau nadai sebarang penerang pasal dagang tauka pemansang projek ngaga panel kuasa karan solar di Kedah.
![Najib Razak gaga bendar ati bemain gof enggau Presiden US, Obama, tang berapa penyampau ungkus nya ditanggung Malaysia?](/wp-content/uploads/imgcache/2015/11/pImg_4e1d0c605952a3fd25cb8806c16198e1.jpg)
![Nadai surat kira-kira ke penguntung ba SEC](/wp-content/uploads/imgcache/2015/11/pImg_a6e69688b220f81b06921bd0d62c399b.png)
Bala waris ti belalai dalam Yurus mega bulih untung bepuluh-puluh juta enggau enda ibuh bedagang sesen pan.
GARIS TIMPUH:
09/05/13 – DuSable dikorporatkA di Delaware
17/06/13 – Pantoll Energy dikorporatka di Delaware
26/09/13 – DuSable diregista nyadika agen asing ti lalu nyebut Perintah Malaysia/dagangkunsi 1MDB
29/09/13 – Kempen senat Mark Begich nerima $5,200 ari DuSable
29/09/13 – Kempen senat Michelle Nunn nerima $5,200 ari DuSable
01/10/13 – Dana Yurus dikorporatka di Delaware ulih Pras Michael enggau Frank White
17/10/13 – Yurus ngaga jaku gerah pasal puku US$505 juta dua bengkah orang dagang ti enda disebut nama 28/10/13 – DuSable nerima bayar US$506,079 ari 1MDB
06/01/14 – $25,000 diterima Terry McAuliffe ke kempen gabenor di Virginia
24/01/14 – Keven Strouse nerima $500 ke kempen senator 01/03/14 – Don Beyer nerima $500 ke kempen senator
01/03/14 – Ro Khanna nerima $500 ke kempen senator
21/03/14 – Dick Durbin, nerima $5,200 ke kempen senator
18/03/14 – 1MDB diberi projek pengeluar kuasa karan solar ari perintah Malaysia
11/04/14 – Dagangkunsi entara Yurus enggau 1MDB ditanggam
12/04/14 – ‘anak kompeni’ projek kuasa karan solar dipenyadi ke palan kuasa karan solar di Kedah
30/04/14 – DuSable ngerejista pengawa sida ti meruan nyadi agen menua luar ke Perintah Malaysia
24/09/14 – Sarawak Report nusui pasal kaul entara Frank White dalam DuSable enggau Obama
02/10/14 – Dagangkunsi dikemaduka enggau bayar US$69 juta ngagai Yurus ba pemayuh 49% ari sher iya
02/10/14 – DuSable badu ari pengawa nyadi agen menua luar ke Perintah Malaysia
30/04/15 – DuSable masuk status baru enggau Opis Akim – sekeda dagangkunsi ti enda meri asil 30/06/15 – Yurus dipadamka
22/07/15 – DuSable nganjung simpul penemu sida hujah bekaul enggau Yurus, untung enggau yuran-yuran ari pengawa nyual sekeda aset reta sid