![Bayar belajar ke sekeping Lutur Falsafah – 2,695 pound dikena ngulihka degree ari ‘University of Somerset’](/wp-content/uploads/imgcache/2016/02/pImg_3fcb59422bbbcd4cde6e801584171114.png)
Bala pemesai dalam Goldman Sachs rindu bendar ngumbai penguntung ti manah ketegal ngatur duit orang bukai nya datai ari pemintar sida ti lebih ari orang bukai.
Ba sapa-sapa ti ngumbai sida nya bejaku ngapa, sida deka nunjukka segempung degree, kelimpah ari ti ngemataka duit bala pelanggan sida.
Tang ba sekeda kes, semua utai nya ukai munyi ti dikarapka. ‘Dr Tim Leissner’, siku bos Goldman Sachs ke pelilih menua Asia, ambi ke banding, engka mar bendar dikarapka – iya nya, belajar semina tiga taun ba universiti ti tebilang.
Dipelabaka chara mutarka penanggul ti benung nuntung diatu nya tau ditemu ba chara iya ngumpul degree iya enggau jampat dalam pelajar iya – degree Masters iya dalam taun 1992 di menua US lalu degree lutur falsafah PhD iya dalam taun 1993 ari menua UK – Apuu!!
Bala pemerati udah madahka ngagai Sarawak Report nya Tim Leissner bulih pelajar lutur falsafah iya ari sebuah universiti ti tebilang ti bedama Universiti of Somerset, ti mega dikumbai orang “kilang degree”, sebedau universiti di asuh tutup dalam taun 1990 suba.
![Chalun Sapit Chanselor ari menua US ti udah salah guna ke PhD dari Somerset Universiti](/wp-content/uploads/imgcache/2016/02/pImg_e618a0d8f47f4a7a4bd537dc1a623e37.png)
Uji sidi University Of Somerset dalam rintai nama universiti ti enda dikelala. Tauka bacha dalam limpir tambah ba Times Higher Education ti madahka universiti nya mai penanggul ngeluarka degree pelesu baka ti dikeluarka sida dalam taun 2000 suba.
![Somerset University udah dibantaika lalu dikumbai ‘kilang ijazah’ dalam taun 2000](/wp-content/uploads/imgcache/2016/02/pImg_4e162b68fd603c92e86f7df8b8d36e12.png)
Leissner udah ditemu nyadika orang ti mungkal meli degree lutur iya ari Somerset University ba rega semina 2,695 pound aja – siti rega degree ti enda setipak enggau gaji pengurus ti kelalu besai.
Tang Tim Leissner majak ngena degree iya nya ti endur iya udah ngambi bagi ba siti pengawa bejaku di Hong Kong ba taun 2008, lalu iya bisi ngemesaika degree ti ulih iya ‘sekula’ nya dalam CV iya.
![Dinga ke jaku Dr Leissner](/wp-content/uploads/imgcache/2016/02/pImg_a337e4043ba4f31c4058c55c7de83b12.png)
Diatu Leissner beduduk ba endur ti kontroversi laban dunya diatu nujuka jaku tanya ba jual-beli bon ti diangkatka ke guna 1MDB ari peneka Menteri Besai Malaysia Najib Razak, ti udah ngujungka wang turu nya napi pengerugi US$650 juta, sebedau sida ulih meda puku sida pulai sesen ke terubah sida pulai ti diangkatka ari bon US$6.5 billion ke guna sekeda projek pemansang.
Bayar komisyen US$590 juta ti dipinta Goldman mimit pan nadai udah mantu. Tau disimpulka ngena jaku pandak ‘bonus’ Leissner engka ulih dirundingka.
![Laki aku Tim enggau aku sama enggau PM ...](/wp-content/uploads/imgcache/2016/02/pImg_57235c1f782642db5338ecf04c1acfbb.png)
Dikena ngerempah ensera tu, gaya idup Leissner enggau rumahtangga iya enggau model Kimora Lee Simmonds, enggau cherita iya ti dikenang-kenang orang di sebelah KL betundi enggau sekeda indu kaya-kaya ti gerah.
Siti ari cherita nya, pemuntan iya ti betunang enggau anak menyadi Taib Mahmud, Elia Genied, nyadi udah bekau iya nuduhka siku pemesai Duetsche Bank Roger Ng, ti bisi kaul manah enggau menua Sarawak ngulihka bon ti besai bendar nengah Labuan – baka ti udah dibantah raban penyakal ti disempulang enggau komisyen ti kelalu besai.
Ari ti bekelala enggau Roger Ng, iya bulih peluang bekelala enggau Taib Mahmud ti lama udah kaya.
Ba maya Leissner bebini ngambi Kimora, seduai iya gaga ke kaul seduai enggau Najib ti sama bulih peluang ngagai dagang ti besai-besai.
Ari nya, engka bala pemesai bank ti pandai-pandai nemu chara ngulihka duit ti mayuh nya ukai semina mayuh-mimit baka ti ditemu kita, tang sapa ti dikelala kita lalu nama utai patut dikereja?
Kelalu ngemeratka degree PhD.