![Sekeda dokumen pemesai bank ti bekereja ke Jho Low enggau 1MDB](/wp-content/uploads/imgcache/2016/02/pImg_47687ddb07cc2c61a258209215f3441a.png)
Enggau 1MDB enggau Jho Low ti udah bebendar madahka orang dagang nya nadai kaul enggau wang turu pemansang nya, udah wang turu nya ditukar nama ari Terengganu Investment Authority dalam taun 2009, malu amat sida meda pemesai bank nya diatu mantaika penerang ngagai kot Singapura ti ngaitka sida.
Sekeda affidavit enggau surat penerang ti dibantaika Yak Yew Chee nya nambahka penerang ti dikena ngamatka Jho Low nya bebida, nyadika sebengkah pasak ba operasyen dagang 1MDB.
Agi pan diatu sida mar bendar deka bebulaka semua penerang nya.
Agi mega penerang ti dibantaika Yak dalam kolaborasyen iya enggau bala pemesai BSI, yak madahka diri diasuh ngereja pengawa pengurus kaul ke Jho Low enggau 1MDB Global enggau anak kompeni sida, Braen Sky, enggau mega Aabar Investments PJS Limited ti pelesu, ti bepalan di menua BVI.
Penerang ti dikemendarka nya nerangka pasal Jho Low, sekeda kompeni nya ti endang bisi kaul – bebida BENDAR enggau dalih Jho Low ti madahka iya bisi kaul enggau 1MDB.
Yak direpotka nyadika pengurus sekeda akaun anak kompeni 1MDB ti enda tentu nyengala, SRC International, ti dipengerusika bakih Jho Low, iya nya Nik Faisal Ariff Kamil, ti diatu bepayung ba Opis Menteri Pekara Wang Najib Razak.
RM4 billion duit dalam wang turu ke bala orang ti udah penchen, KWAP, udah lenyau lalu dipasukka dalam kompeni SRC lalu mayuh agi duit nya lalu bedau diakaunka enggau terang.
Enggau nya pengari 1MDB bedau meri penerang ke pengabis baru pasal utai ti udah nyadi nya, ti bedau dikena mechahka pemula ti madahka 1MDB enggau Jho Low nadai kaul sepengudah 2009.
Yak udah nyebut nama siku agi orang dalam sekeda affidavit iya kelimpah ari Jho Low.
Pengurus bank nya madahka, ari iya ti nyadika orang ti kena pansik, iya nemu klien iya Jho Low enggau siku agi orang ti benama Tan Kim Loong, tauka ke dua bali nama iya, Eric Tan, benung dipansik raban penerit undang-undang di Singapura.
Enggau nya, sapa orang ti benama Eric Tan ti sama kena pansik ba kes skandal Jho Low / 1MDB di Singapura nya?
Sarawak Report ulih mantaika sekeda dokumen ti besai bendar guna dikena nunjukka Yak, Jho Low enggau Eric Tan endang bisi kaul dalam pengawa mindah-mindahka duit ti mayuh munyi ti direpotka di Singapura.
Dalam bulan April taun nyin kemari sepengudah berita ditiriska basal sebuanh ompeni ti benama ACME Time Ltd udah ditemu mindahka US$20 juta nengah Couuts Bank di Singapura ngagai sebuah agi akaun Swiss Bank ti enggi Pengarah Tarek Obaid ari kompeni PetroSaudi, bakih dagang iya dalam dagangkunsi enggau 1MDB.
Pengawa mindahka duit nya dikereja kena 30hb September 2009 iya nya sehari udah bekau dagangkunsi nya ditanggam. Salin surat pindah duit nya bisi ba kami ti ngayanka nama Yak (ti benung bekereja ba hari-hari penudi iya dalam Coutts Bank di Singapura) enggau siku agi bakih iya dalam bank nya.
![Dikirumka ari RBS Coutts ngagai sebuah akaun di JP Morgan Suisse](/wp-content/uploads/imgcache/2016/02/pImg_651c8389ceb7d1853b9990ff9b73df39.png)
Enggau enda kakang ati bayar nya dikirumka ngagai Tarek Obaid, laban lumur akaun bank ba JP Morgan nya besenutuk enggau surat ti udah diulihka aro komputer server PetroSaudi empu, terima kasih ngagai Xavier Justo
![Jonathan Connor ari JP Morgan madahka ngagai Tarek Obaid pasal gaya akaun ke taun udah nya](/wp-content/uploads/imgcache/2016/02/pImg_4826f1fe9fc604857c4f0fa0eb4c6a66.png)
Kaul Eric Tan nya terang nunjukka pasal iya ti udah ngirumka dokumen nya ngagai Tarek Obaid enggau bakih iya dalam PetroSaudi, Patrick Mahony, nyadika sebagi ari jarin emel ti udah ditemu Sarawak Report.
Jarin emel nya ti ngena topik “Re: Wire Instruction to Shiekh Tarek Obaid” ti endur Eric Tan bisi bekirumka iya enggau sebuah agi dokumen, ti terang bendar bisi kaul.
![Sempekat dagang ti bisi digembarka](/wp-content/uploads/imgcache/2016/02/pImg_53604aa76ca779850128685f8a7aa8ed.png)
Dokumen ke-dua ti bisi digembarka nya Sempekat Dagang, IMA, ti kala direpotka Sarawak Report dulu ari tu.
“Sempekat IMA” tu digaga Eric Tan lalu ngundan haribulan 30hb September 2009, nya entara Good Star ti enggi Jho Low enggau Patrick Mahony, ti endur sida meri 2% yuran pengurusan ngagai Mahony dikena iya ngemataka US$85 juta ngarika Good Star Ltd.
Enggau nya, terang bendar ba kitai, Jho Low, 1MDB enggau PetroSaudi bisi bekaul ba sebengkah penyalah ti diatu benung dipansik raban penerit undang-undang Singapura.
![Patrick mahony mujur bulih kontrak enggau Good Star Ltd – kompeni ti enggi Jho Low ti udah mujur nyintak pansut US$700 juta ari dagang PetroSaudi](/wp-content/uploads/imgcache/2016/02/pImg_bb17a2ac1c2f0a8ff74a4b458765aae2.png)
Sekali ke tu nyadika bayar yuran ke Patrick Mahony enggau Tarek Obaid ti dipaduka pengawa ngemataka duit puku dagang US$85 juta ti udah diindahka Jho Low ngagai Tarek Obaid udah sempekat dagang ditanggam?
Enti betul, atur pengawa Patrick Mahony nya amat tau ngeransingka ati, ti dua tiga minggu udah nya, munyi ti udah direpotka kami, ngemasukka US$33 juta agi ngagai akaun iya dalam JP Morgan Swiss lalu udah nya ngengkahka US$6 juta dikena iya meli sebuah rumah besai di Notting Hill.
Good Star Ltd enggi Jho Low nya enda ibuh ke utai nya.
Tambah mega, munyi ti udah ditemu rayat Malaysia, kompeni Good Star Ltd enggi Jho Low udah, kena 29hb September, ngemasukka (enggau bantu bank RBS Coutts ti endur Yak bekereja) sepenyampau $700 juta ti ditabanka pansut ari 1MDB, terima kasih ke bantu ari Patricck mahony enggau Tarek Obaid, ti udah ngemendarka kompeni sida, PetroSaudi, nyadika wakil dalam pengawa dagang nya.
![Semua nya bekaul memagang](/wp-content/uploads/imgcache/2016/02/pImg_8ff7318e91eff8da9e4fe9bf66354cda.png)
.