Ba pun taun 2014 suba Sarawak Report bisi nerima dua puchuk surat dawa ti panjai-panjai ari kompeni lawyer Loeb & Loeb di Hollywood, nyerang artikel kami, Wall Street Greed Malaysian Money (Wall Street Dipelanja Ngena Duit Ari Malaysia), ti udah ngaitka pengawa ngaga filem Wolf Of Wall Street enggau wang turu Malaysia, 1MDB.
Kami udah betanyaka pasal pengawa ngaga filem ti berega US$100 juta ti dilakunka Leonardo Di Caprio
Baka ni mudah ke sebuah kompeni pengaga filem ti baru ditumbuhka ti betuaika anak tiri Menteri Besai Malaysia Najib Razak beranakka duit puku dagang ti ngemayuh nya? Lalu baka ni Jho Low udah ngayanka diri dikelala orang mayuh lalu bisi kaul rapat enggau pengawa ngaga filem nya, ari ketegal kaul iya enggau 1MDB?
![Pemeri penerang ari dalam udah suah madahka Jho Low nya pun belanja ke kompeni pengaga filem Red Granite Pictures nya – sebedau Sarawak Report mangkitka pengirau ati orang mayuh](/wp-content/uploads/imgcache/2016/04/pImg_65b9ea9e0a34c6a347f4466712fc583b.jpg)
Kami mega udah mujur bulih penerang pasal reta pengeraja ti datai ke bejuta-bujta dollar enggi Riza Aziz di negeri New York enggau di Beverly Hills. Kami udah nanya baka ni mudah ke siku nembiak beumur lebih kurang 30 taun, ti bekerja dalam bank nya ulih meli reta pengaya ngesai nya?
Tang kompeni lawyer Loeb & Loeb ti dipaduka Riza ngarika iya empu, madahka kami tu nadai kuasa betanyaka utai munyi nya.
Lebuh Sarawak Report enda ibuhka jaku emba ari kompeni lawyer, semadi artikel kami nya dibatak pulai, kompeni Loeb & Loeb nya datai baru enggau surat 7 limpir sida ti ngundan jaku emba ti balat agi.
Sarawak Report milih enda ibuhka jaku emba nya laban betegalka kami tu endang nusui cherita ti amat sereta nyengala lalu betanyaka utai ti bendar.
Dalam artikel kami nya mega kami nambahka penerang ti madahka bini siku ari bala lawyer Loeb & Loeb nya diambi bekereja nyadi ‘pengurus reta pengaya’ ke Riza Aziz, lalu ari nya kami nanya iya sekali ke iya deka nyaut sekeda jaku tanya kami? Enda lama udah nya indu nya lalu ninggalka pengawa iya ti gawa enggau Riza, lalu mindah gawa ngagai kompeni bukai di Hollywood, lalu dua tiga hari udah nya kompeni Red Granite enggi Riza Aziz pan bisi didinga badu agi bekaul enggau kompeni lawyer Loeb & Loeb.
Dua taun udah nya surat emba ba Sarawak Report lalu enda dikamatka, lalu diatu Red Granite dipeda udah betindak balas ba pansik bala pengarang berita, ari Wall Street Journal ti diatu ngeluarka berita pasal pemindah duit ari sekeda wang turu Perintah Malaysia udah dikena melanja pengawa ngaga filem ke Red Granite enggi Riza Aziz – ba penyampau US$150 juta, nitihka dokumentasyen sida.
![Mohamed Badawy Al Husseiny udah nya madahka diri melanja sekeda filem ti dikeluarka Red Granite – ti ngujungka Sarawak Report nunjukka iya mega sama dikompromi baka Jho Low, ketegal penuduk iya ti nyadika CEO dalam kompeni Aabar](/wp-content/uploads/imgcache/2016/03/pImg_2606fdd1cec4703057135367c4733c29.jpg)
Kerimpak ti penudi dalam misteri udah ditemu ti sama malut pengelenyau duit bejuta-juta dollar ari 1MDB, udah pansut nyadika penerang ti madahka duit bukai munyi penerang ti bisi ditemu WSJ.
Baka ti enda direpotka baka ni US$2.4 billion udah diangkatka ari pengawa jual beli bon dalam taun 2012 udah diagihka ngagai kompeni Aabar ari menua Abu Dhabi, ti diberi tanggungpengawa nyadi jamin ke duit jali nya lalu udah diberi pemilih sida empu, ti udah nya ‘dijual pulai baru’.
Tang duit ti ngemayuh nya enda kala dianjung ngagai Abu Dhabi, tang dibayar ngagai sebuah kompeni BVI ti pelesu ti benama Aabar Investments PJS Ltd (BVI), ti dikorpratka Pengerusi Aabar nya empu, Khadem Al Qubaisi enggau sapit iya Diatu WSJ udah ulih ngamatka pasal duit US$105 juta udah dianjung terus ari Aabar Investments PJS Ltd ngagai kompeni Red Granite Capital, lalu US$50 juta udah dianjung nengah kompeni Telina Holdings, ti dikorporatka Khadem enggau Badawy ari Aabar, lalu dua iku nya sama udah dibuai ari kompeni Aabar nya dua taun tu udah.
![Gambar grafik bepenerang ti digaga Wall Street Journal](/wp-content/uploads/imgcache/2016/04/pImg_07832ec43d6df57d0eca598e22133ea7.png)
Reti nya Red Granite udah bula nengah lawyer isda lebuh sida mansutka surat jaku emba lalu ke bendar iya nya endang amat bisi nerima duit ti mayuh ari Perintah Malaysia. Diatu Najib Razak enggau anak tiri iya, Riza Aziz, patut mai bechara semua orang ti udah diemba sida – ketegal ti udah mantaika salah pengawa sida dalam 1MDB.
Nyerumba nya, bank Edmond de Rothschilde di nengeri Luxembourgh udah ngaku diri benung meri kerejasama enggau raban penerit undang-undang ba pasal bayar ngagai akaun enggi Khadem ti bepenyampau setengah billion dollar ba taun 2012/2013 ti dipelabaka datai ari 1MDB nengah dagang bon ti sama nya.
Uji bacha repot ti silik ari WSJ