![Bildschirmfoto 2013-09-25 um 16.35.52](/wp-content/uploads/imgcache/2013/09/pImg_de4edbe7df32a017572ad4c237c9efa1.png)
Pengirau ati orang mayuh diatu majak betambah ketegal bejuta-juta dollar ti udah dibayar perintah Australia ngagai kompeni Ta Ann, enggi petunggal lalu mega proksi pengawa dagang Kepala Menteri Sarawak, Abdul Hamed Bin Sepawi.
Penyampau bayar ti udah diatur nya diatu nya nyadika insentif ngagai sebuah kilang di Tasmania; udah nya dikena nyerahka pulai kuasa-kuasa nebang kampung lalu diatu dikena ngaga sebuah agi kilang ba rega AUS$44.6 juta.
Duit nyampau nya ulih digiga kompeni Ta Ann, laban Hamed Sepawi empu endang siku ari orang pemadu kaya di Malaysia lalu bala pejuang rampa menua Australia madahka bayar nya sebaka reti enggau meri duit suap lalu ngelanggar atur pengelantang mensia, sekumbang duit nyampau nya dikena melanja pemutus runding bala pemesai enggau orang politik Tasmania ti agi rapas pengelandik lalu ulih nyadika sengkalan jaku tanya, ti udah mai masuk kompeni kayu batang nya dalam taun 2006 suba.
Pengelenyau pun penatai menua lalu ukai chukai
Pekara nya enda ngasuh bala orang tekenyit lebih agi sida ti endang teleba enggau kompeni kayu batang ari menua Sarawak ti bulih untung mimit (lebuh datai ba pengawa bebayarka chukai), taja pan sida udah dibayar insentif, Ta Ann mengkang madahka sida agi rugi.
Tu mai reti kompeni nya udah enggai bempu tanggungpengawa ke chukai ti mayuh lalu 80 iti pengawa dalam Ta Ann patut dipelanja enggau murah, enggau enda ibuh ke pengelenyau rampa kampung Tasmania. Ta Ann mega agi berutang bil kuasa elektrik beungkus bejuta-juta dollar ba menua nya.
![Bildschirmfoto 2013-09-25 um 16.37.04](/wp-content/uploads/imgcache/2013/09/pImg_eaa599124dc8a80efa43c2055806a468.png)
Tang pekara nya udah mechahka kaul raban orang ti rindu ke rampa kampung, enggau beberapa iti raban NGO udah ngayanka sida enda ibuh ke penanggul-penanggul di menua Sarawak enggau pengerusak rampa kampung Tasmania, ngambika sida tau bulih duit belanja dikena ngulihka kompeni kayu batang pemadu bekuasa di menua nya.
Menteri Besai Kevin Rudd, udah nemuai ngagai menua nya ba minggu nyin kemari ti endur iya nyerahkaduit agih belanja $100 juta ngagai syer kayu batang tu nyadi ke pampas sida ti udah besedia nerima Sempekat Kampung, ti dipeda nyadika pengawa ngintu sekeda ari kampung Tasmania.
Pejalai kempen nya udah ngasuh raban orang ti rindu ke rampa kampung di menua nya ringat, ti enggai nejuka utai ti dipeda sida nya nyadi ke kompromi ti enda meruan ketegal ngaga kaul enggau kompeni ti udu makai suap, semua nya dikena nyukung sebengkah pengawa pengaga barang ti chara lama, nitihka sida, semina nagaka 2% ari peluang bekereja di menua nya.
Bala kaban kaul Nembiak Pelajar Rampa Kampung Australia udah nanchang diri empu ba injin dalam kilang kayu Ta Ann minggu nyin kemari ti endur sida madahka sida udah senutuk runding enggau penemu rakyat menua Sarawak ti mechat pengawa ngulihka kayu batang beungkus bejuta-juta dollar ti dikereja sida Taib sebilik.
Bala nembiak ti ngayanka pengeringat sida nya udah ditangkap lalu udah mega mai pengeringat ukai semina ba bala orang ti nyukung pengawa ngulihka kayu batang, tang mega raban NGO baka sida Wilderness Society, ti majak takut ke jaku emba bala tukang tumbang ti madahka sida deka matak diri ari sempekat nya enti bantah nya dipajakka.
Evan Rolley
Ba tengah-tengah penyarut nya bisi ditemu sekeda pengawa ti ngasuh irau ati ti udah diulihka Pengarah Opis Kampung ti dulu suba lebuh maya Ta Ann ngatur jurai pengawa dagang sida ti dipelanja perintah Tasmania dalam taun 2006 suba.
![Bildschirmfoto 2013-09-25 um 16.38.37](/wp-content/uploads/imgcache/2013/09/pImg_c0924dbcdb784a1a7d6463b5e004176d.png)
Gela ‘Kapten’ Evan Rolley ti digagaka Hamed Sepawi ke iya nya nyadika sebengkah tanda terima kasih Hamed laban pengeregas Rolley bejalaika pengawa iya enggau enda ngira pengelelak, lebih agi maya Ta Ann nirika dua iti kilang ba dua iti sitak ti diarika Paul lennon (siku Menteri Besai dulu suba) enggau Bryan Green (Menteri Tenaga ke diatu).
Ba jaku gerah sida, Ta Ann udah madahka sida semina ngena kayu ‘tanam baru’. Tang ke bendar iya, ba penerang Rolley dagang Ta Ann nya nyengkaum nyual kayu ari kampung bungas Tasmania.
Kompeni nya udah kala dibantaika kami ketegal nyual “kayu nelap rampa menua” ke menua Jepun lalu bisi mega ditemu sekeda orang, kilang Australia udah bulih peluang nyual kayu kering Sarawak nyadika ‘kayu nelap rampa menua’.
Tang enggau sabsidi bejuta-juta dollar Australia, repot pekara belanja Ta Ann mengkang madahka sida ditinggang pengerugi $26.8 juta dalam pengawa sida di Tasmania.
Lalu baka ni Evan Rolley? Udah iya tembu ngatur kereja jurai dagang enggau Ta Ann dalam taun 2006 iya lalu ‘pinchin’ ari pengawa iya nyadi kepala Opis Kampung Tasmania. Tang beberapa bulan udah pinchin iya mujur bulih pengawa baru ti endur iya nerima gaji $356,838 enggau Paul Lennon nyadika sekretari ba opis Lennon.
Udah nya Rolley lalu pulai baru ngagai pengawa dagang kayu batang, nyadi Kepala Eksekutif ke kompeni Ta Ann.